మెగా ప్రిన్స్ వరుణ్ తేజ్ లేటెస్ట్ సినిమా గాండీవధారి అర్జున టీజర్ అప్డేట్ వచ్చేసింది. ప్రవీణ్ సత్తారు దర్శకత్వంలో వస్తోన్న ఈ యాక్షన్ ఎంటర్టైనర్ కు సంబంధించి ఇటీవలనే ప్రి- టీజర్ రిలీజ్ చేయగా , మంచి బజ్ క్రియేట్ చేసింది. హాలీవుడ్ సూపర్ హిట్ ఫిలిం సిరీస్ అయిన జాన్ విక్ లాంటి యాక్షన్ మూవీని తలపిస్తున్న గాండీవధారి అర్జున విజువల్స్ ప్రి- టీజర్ వీడియోలో అందరిని ఆకట్టుకున్నాయి. ప్రస్తుతం శర వేగంగా షూటింగ్ జరుపుకుంటున్న ఈ సినిమా వచ్చే ఆగస్ట్ 25న గ్రాండ్ గా రిలీజవ్వబోతుంది.
ఇటీవలనే విరూపాక్ష సినిమాతో సూపర్ సక్సెస్ అందుకున్న ఎస్విసిసి బ్యానర్ పై బివిఎస్ఎన్ ప్రసాద్ ఈ సినిమాని నిర్మిస్తున్నారు. ఏజెంట్ బ్యూటీ సాక్షి వైద్య ఈ సినిమాలో వరుణ్ తేజ్ కు జోడిగా నటిస్తుంది. మిక్కీ జె మేయర్ ఈ సినిమాకు సంగీతం అందిస్తున్నారు. ఇక ఈ సినిమా టీజర్ ను ఈ నెల 24న ఉదయం 10 గంటల 8 నిమిషాలకు టీజర్ రిలీజ్ చేయబోతునట్టు అఫీషియల్ మూవీ టీం పోస్టర్ రిలీజ్ చేసింది.
అయితే ఈ సినిమాలో వరుణ్ తేజ్ అర్జున్ వర్మ అనే పాత్రలో ఇంటర్నేషనల్ స్పై గా కనిపించబోతున్నాడు. అవుట్ అండ్ యాక్షన్ ఎంటర్టైనర్ గా తెరకెక్కనున్న ఈ సినిమాపై ప్రేక్షకులలో బారి అంచనాలున్నాయి. ఇక ఇటీవలనే వరుణ్ తేజ్ కు లావణ్య త్రిపాఠికి నిశ్చితార్థం కాగా పెళ్లి మాత్రం ప్రస్తుతం వరుణ్ తేజ్ చేస్తున్న సినిమాల షూటింగ్స్ అన్నీ కంప్లిట్ చేసిన తరువాతనే చేసుకోబోతున్నారని టాక్.
Filmify gives an interesting update on celebrities in Tollywood & Bollywood and other industries. Also provides new movie release dates & updates, Telugu cinema gossip, and other Movies news, etc