నవీన్ పొలిశెట్టి, ప్రియదర్శి పులికొండ మరియు రాహుల్ రామకృష్ణ ప్రధాన పాత్రలు పోషించిన విజయవంతమైన చిత్రం జాతి రత్నాలు. ఈ చిత్రానికి కెవి అనుదీప్ దర్శకత్వం వహించగా, నాగ్ అశ్విన్ నిర్మించారు. కరోనా తగ్గుముఖం పట్టిన టైములో ఈ కామెడీ సినిమా థియేటర్లలో భీభత్సంగా ఆడింది మరియు OTT లో విడుదలైన తర్వాత కూడా ప్రేక్షకులను అలరించింది.
ఆసక్తికరమైన విషయమేమిటంటే, ఈ చిత్రానికి సీక్వెల్ రాబోతోందనే వార్తలు వినిపిస్తున్నాయి. అయితే సీక్వెల్ ఎప్పుడు సెట్స్‌పైకి వస్తుందనే దానిపై క్లారిటీ లేదు. సీక్వెల్ త్వరలో ప్రారంభం కానుందని నవీన్ పోలిశెట్టి మరియు అనుదీప్ ఇద్దరూ ఇంతకుముందుచెప్పుకొచ్చారు, అయితే దాని లాంచ్ గురించి వివరాలు ఇప్పటివరకు బయటకు రాలేదు.
రీసెంట్ గా మీడియా ఇంటరాక్షన్ లో అనుదీప్ దీనిపై క్లారిటీ ఇచ్చాడు. జాతి రత్నాలు సీక్వెల్ 3 లేదా 4 సంవత్సరాల తర్వాత మాత్రమే జరుగుతుందని అనుదీప్ చెప్పుకొచ్చాడు. ఈ సినిమా కోసం తనకు రెండు ఆలోచనలు ఉన్నాయని, అయితే ఇంకా ఏదీ పూర్తి కాలేదని అనుదీప్ చెప్పాడు.
అనుదీప్ ప్రస్తుతం సినిమా ఫస్ట్ డే ఫస్ట్ షో సినిమాను ప్రమోట్ చేస్తున్నాడు.