టాలీవుడ్ డేరింగ్ అండ్ డాషింగ్ ప్రొడ్యూసర్ సూర్యదేవర నాగ వంశీ. ఈ స్టార్ ప్రొడ్యూసర్ పేరు చెప్పగానే తన సినిమాలపై ఆయనకున్న కాన్ఫిడెన్స్ గుర్తొస్తుంది. అయితే తాజాగా కోలీవుడ్ స్టార్ హీరో విజయ్ రీసెంట్ మూవీ “లియో”పై ఈ ప్రొడ్యూసర్ చేసిన కామెంట్స్ వైరల్ అవుతున్నాయి.
ట్యాలెంటెడ్ డైరెక్టర్ లోకేష్ కనకరాజు దర్శకత్వంలో దళపతి విజయ్, సౌత్ స్టార్ హీరోయిన్ త్రిష జంటగా నటించిన “లియో” మూవీ అక్టోబర్ 19న రిలీజ్ అయింది. మిశ్రమ స్పందన తెచ్చుకున్న ఈ మూవీ ప్రస్తుతం నెట్ ఫ్లిక్స్ లో స్ట్రీమింగ్ అవుతోంది. ప్రస్తుతం తెలుగు తమిళం మలయాళం కన్నడ హిందీ భాషల్లో అందుబాటులో ఉన్న “లియో” మూవీ త్వరలో ఇంగ్లీషులోనూ ప్రేక్షకులను అలరించబోతోంది. ఈ నేపథ్యంలోనే “లియో’ సినిమాపై ప్రొడ్యూసర్ నాగ వంశీ చేసిన కామెంట్స్ మరోసారి తెరపైకి తీసుకొస్తున్నారు విజయ్ ఫ్యాన్స్. రీసెంట్ ఇంటర్వ్యూలో నాగ వంశీ “లియో” సినిమా తనకు నచ్చలేదని కామెంట్ చేశారు. అయితే ఈ మూవీని నాగ వంశీ స్వయంగా తెలుగు రాష్ట్రాల్లో డిస్ట్రిబ్యూట్ చేయడం గమనార్హం.
20 కోట్లకు లియో మూవీని కొనుగోలు చేసిన నాగ వంశీ సితార ఎంటర్టైన్మెంట్స్ బ్యానర్ తో కలిసి ఈ సినిమాను డిస్ట్రిబ్యూట్ చేశారు. అయితే సినిమాపై ఉన్న హైప్, పండగ సీజన్ కావడంతో ఈ మూవీ ఫస్ట్ వీక్ లో మంచి వసూళ్లు సాధించింది. బ్రేక్ ఈవెన్ మార్కును కూడా త్వరగానే చేరుకుంది. కానీ ఆ తర్వాత ఒక్కసారిగా మూవీ కలెక్షన్స్ పడిపోయాయి. అయితే ఫస్ట్ వీక్ వచ్చిన సాలిడ్ కలెక్షన్స్ తో బయ్యర్స్ సేఫ్ అయ్యారు. కాగా “లియో” మూవీ రిలీజ్ టైంలో ఈ యంగ్ ప్రొడ్యూసర్ తాను రిలీజ్ చేస్తున్న మొదటి, అలాగే చివరి డబ్బింగ్ చిత్రం “లియో”నే అని ప్రకటించారు. ఇక డబ్బింగ్ చిత్రాలతో తనకు సంబంధం ఉండదని, ఇకపై తను డబ్బింగ్ చిత్రాలను తెలుగులో రిలీజ్ చేయబోనని స్టేట్మెంట్ ఇచ్చేశారు.
సోషల్ మీడియాలో హీరో విజయ్ అభిమానులు చేస్తున్న ట్రోలింగ్, కామెంట్స్ వంశీ ఈ నిర్ణయానికి కారణమని వార్తలు వినిపిస్తున్నాయి. ఇక ఈ బ్యాక్ స్టోరీ ఎలా ఉన్నా కూడా “లియో” మూవీ తనకు నచ్చలేదంటూ నాగ వంశీ చేసిన కామెంట్స్ ఇప్పుడు హాట్ టాపిక్ గా మారాయి. “లియో” మూవీ ఓటిటిలో స్ట్రీమ్ అవుతుండగా, మరోవైపు విజయ్ ఫ్యాన్స్ నాగవంశీని టార్గెట్ చేస్తూ నచ్చనప్పుడు ఈ మూవీని ఎందుకు రిలీజ్ చేశావ్ అంటూ ఏకిపారేస్తున్నారు.
Check out Filmify for the latest Tollywood Movie updates, Movie Reviews, Ratings, and all the Entertainment News Updates in Bollywood and Celebrity News & Gossip from all Film Industires.