మెగా స్టార్ చిరంజీవి… టాలీవుడ్ ఇండస్ట్రీ మొత్తానికి ఓ రోల్ మోడల్. ఆయన ఏ పని చేసినా.. ఒక స్టైల్ ఉంటుంది. ఎందరో నటీ నటులు దాన్ని ఫాలో అవుతారు. మంచి పనులు చేయడంలో కూడా చిరు వెనకడగు వేయరు. అందుకే.. ప్రస్తుతం టాలీవుడ్ లో స్టార్ హీరోలుగా గుర్తింపు తెచ్చుకున్నా.. మెగా స్టారే వారికి ప్రేరణ.
కాగ మెగా స్టార్ చిరంజీవి ఇటీవల ఆచార్య మూవీతో ప్రేక్షకుల ముందుకు వచ్చిన విషయం తెలిసిందే. అయితే ఈ మూవీ ఫస్ట్ షో నుంచే నెగెటివ్ టాక్ తెచ్చుకుని.. భారీ డిజాస్టార్ దిశగా.. అడుగులు వేస్తుంది. ఈ మూవీతో మెగా ఫ్యాన్స్ తీవ్ర నిరాశ చెందారు. అలాగే డిస్ట్రిబ్యూటర్స్ కూడా దారుణంగా నష్టపోయారు. మెగా స్టార్, మెగా పవర్ స్టార్ మూవీ అని భారీగా వెచ్చించి.. పలు ప్రాంతాల్లో హక్కులు కొనుగోలు చేసిన డిస్ట్రిబ్యూటర్స్.. ఇప్పుడు తలలు పట్టుకుంటున్నారు.
అయితే ఆచార్య నష్టపోయిన డిస్ట్రి బ్యూటర్స్ ను చిరంజీవి ఆదుకోవాలని నిర్ణయం తీసుకున్నాడట. వారికి గాడ్ ఫాదర్ హక్కులను చిరు ఇవ్వబోతున్నట్టు ఇండస్ట్రీ వర్గాల టాక్. కానీ ఈ ఆఫర్ ను ఆచార్య డిస్ట్రిబ్యూటర్స్ రిజక్ట్ చేస్తున్నారట. ఇప్పటికే మెగా తండ్రీ కొడుకుల సినిమాపై కోట్లు ఖర్చు చేసి నష్టపోయామంటున్నారట.
ఇప్పుడు గాడ్ ఫాదర్ కూడా ప్లాప్ అయితే.. తమపై మరింత భారం పడుతుందని.. అంటున్నారట. గాడ్ ఫాదర్ హిట్ అవుతుందన్న నమ్మకం లేదు దొర.. అని మెగా స్టార్ తో డిస్ట్రిబ్యూటర్స్ చెబుతున్నారట. తమకు గాడ్ ఫాదర్ హక్కులు కాదు.. రూ. 50 కోట్లు నష్టపరిహారమే ఇవ్వాలని డిస్ట్రిబ్యూటర్స్ కోరుతున్నారని తెలుస్తుంది.