నేచురల్ స్టార్ నాని లాగే ఏ బ్యాగ్రౌండ్ లేకుండా ఇండస్ట్రీలోకి అడుగు పెట్టి మంచి నటుడిగా పేరు తెచ్చుకున్న నటుడు సత్యదేవ్. కాకపోతే నానీలాగా అతడికి ఆశించిన విజయాలు దక్కలేదు. ముఖ్యంగా సోలో హీరోగా ఈ టాలెంటెడ్ యాక్టర్ ఇప్పటిదాకా సరైన హిట్టు కొట్టలేకపోయాడు. కానీ మంచి పేరు మాత్రం సాధించాడు.
కొన్నేళ్ల కిందట వచ్చిన బ్లఫ్ మాస్టర్ సత్యదేవ్ కెరీర్ను మలుపు తిప్పుతుందనుకున్నారు కానీ.. అది కూడా ఆశించినట్లు ఆడలేదు.
ఇక ఆ మధ్యే డైరెక్ట్ ఓటీటీలో రిలీజ్ అయిన 47 డేస్ కూడా నిరాశకే గురి చేసింది. ఆ తరువాత ఓటిటి లో రిలీజైన “ఉమామహేశ్వరరావు ఉగ్రరూపస్య” పరవాలేదు అనిపించింది. థియేటర్స్ రీ ఓపెన్ అయ్యాక వచ్చిన “తిమ్మరసు” సత్య దేవ్ కి మంచి మార్కులే తెచ్చిపెట్టింది.
ప్రస్తుతం సత్యదేవ్ హీరోగా గోపీ గణేష్ పట్టాభి రచన, దర్శకత్వం లో తెరకెక్కుతున్న యాక్షన్ థ్రిల్లర్ “గాడ్సే”. ఈ సినిమాని అనౌన్స్ చేసినప్పటి నుండి మంచి బజ్ క్రియేట్ అయింది. లేటెస్ట్ గా ఈ సినిమా రిలీజ్ డేట్ మూవీ యూనిట్ ఒక క్లారిటీ ఇచ్చింది. ఈ చిత్రాన్ని జూన్ 17 వ తేదీన భారీగా థియేటర్ల లో విడుదల చేస్తున్నట్లు అధికారిక ప్రకటన ఇచ్చింది.