ఇండస్ట్రీ లో కొంతమంది హీరోలకి హిట్ సినిమాలు పడిన తరువాత కొన్ని ట్యాగ్ లు వస్తాయి. ఒకప్పుడు మెగాస్టార్ చిరంజీవి, విక్టరీ వెంకటేష్ , యువ సామ్రాట్ నాగార్జున , పవర్ స్టార్ పవన్ కళ్యాణ్ ఇలా తమకంటూ ఒక సరైన గుర్తింపు వచ్చిన తరువాత వాళ్ళకి కొన్ని ట్యాగ్ లు వచ్చాయి.
కానీ ఇప్పుడు అలా కాదు సినిమా హిట్, ప్లాప్స్ తో సంబంధం లేకుండా ట్యాగ్స్ ఇచ్చుకుంటూ పోతున్నారు. కొన్ని కొంతమందికి వర్తిస్తాయి. కానీ ఇంకొన్ని అసలు సంబంధం లేకుండా ఉంటాయి. సడన్ స్టార్ అల్లరినరేష్ , బర్నింగ్ స్టార్ సంపూర్ణేష్ బాబు లా , ఇప్పుడు నిట్రో స్టార్ సుధీర్ బాబు అంట.
2012లో వచ్చిన ‘శివ మనసులో శృతి’ సినిమాతో సుధీర్ బాబు టాలీవుడ్‌ ఎంట్రీ ఇచ్చాడు. హీరోగా నటిస్తూనే ఆ సినిమాను నిర్మించాడు సుధీర్ బాబు.సూపర్ స్టార్ మహేష్ బావ కావడంతో కొంతమేరకు ఆయన అభిమానులు నుంచి కొంత సపోర్ట్ లభిచింది.
పదిపైగా సినిమాలు చేసిన వాటిలో గుర్తుండే సినిమాలు అంటే “ప్రేమ కథా చిత్రం” “సమ్మోహనం” మాత్రమే.లాస్ట్ గా చేసిన “శ్రీదేవి సోడా సెంటర్” కూడా అడ్రెస్ లేకుండా పోయింది.
ప్రస్తుతం ఇంద్రగంటి మోహన కృష్ణ దర్శకత్వంలో “ఆ అమ్మాయి గురించి మీకు చెప్పాలి” అనే సినిమాతో పాటు, నటుడు, రచయిత హర్ష వర్ధన్ దర్శకత్వంలో “మామా మశ్చీంద్ర” అనే సినిమాను చేస్తున్నాడు సుధీర్. బర్త్డే సందర్బంగా రివీల్ చేసిన ఈ టైటిల్ లో “నిట్రో స్టార్” అని సుధీర్ ని అనడం ఏంటో ఆ దర్శకుడు హర్ష వర్ధనకే తెలియాలి.
