2023 సమ్మర్ లో చాలా సినిమా లు విడుదలకు సిద్ధమవుతున్నాయి. కేవలం ఏప్రిల్ లోనే 10 కి పైగా సినిమాలు విడుదల అవుతున్నాయి. దసరా మూవీ తో షురూ అయిన ఈ సమ్మర్ కాంపిటేషన్ మంచి శుభారంభం చేసింది. ఇక ఈ ఏప్రిల్ లో మాత్రమే విడుదల అవుతున్న కొన్ని సినిమాల గురించి తెలుసుకుందాం.
ముందుగా ఏప్రిల్ 7 న మాస్ మహారాజ్ రవితేజ నటించిన రావణాసుర చిత్రం భారీ హైప్ తో విడుదలకు సిద్ధం అవుతుంది. సుధీర్ వర్మ తెరకెక్కించిన ఈ సినిమా అభిషేక్ పిక్చర్స్ బ్యానర్ లో విడుదలవుతుంది. ఇక అదే రోజు అనగా ఏప్రిల్ 7 నే కిరణ్ అబ్బవరం నటించిన మీటర్ సినిమా కూడా విడుదల అవుతుంది. రమేష్ కదురి దర్శకత్వం లో వస్తున్న ఈ సినిమా క్లాప్ ఎంటెర్టైన్మెంట్స్ పథకం పై చెర్రీ నిర్మించారు. మరో సినిమా “1947 ఆగస్ట్16” అనే డబ్బింగ్ మూవీ కూడా ఏప్రిల్ 7నే విడుదల అవుతుంది. తమిళ నటుడు గౌతమ్ కుమారుడు కార్తీక్ గౌతమ్(కడలి ఫేం) ఈ సినిమాలో హీరో గా నటించాడు.
ఇక ఏప్రిల్ 14 న సమంత నటించిన “శాకుంతలం” పాన్ ఇండియా సినిమా గా భారీ అంచనాలతో విడుదలకు సిద్ధం అవుతుంది. గుణశేఖర్ దర్శకత్వం లో వస్తున్న ఈ సినిమా గుణ టీం వర్క్స్ పతాకం పై ఆయనే నిర్మించడం జరిగింది. మణిశర్మ సంగీతం అందించగా దిల్ రాజు ఈ సినిమాను దగ్గరుండి ప్రోమోట్ చేస్తున్నారు. ఇక అదే రోజు రాఘవ లారెన్స్ హీరోగా వస్తున్న రుద్రన్ సినిమా కూడా అదే రోజు విడుదల అవుతుంది. తెలుగు లో రుద్రుడు అనే పేరుతో డబ్ అయింది.
ఏప్రిల్ 21న మూడు సినిమాలు విడుదల అవబోతున్నాయి. సాయి ధరమ్ తేజ్ నటించిన విరూపాక్ష ఏప్రిల్ 21 న విడుదల అవుతుంది. ఈ సినిమా పై కూడా తెలుగులో మంచి అంచనాలున్నాయి. కార్తీక్ దండు అనే కొత్త దర్శకుడు ఈ సినిమాను డైరెక్ట్ చేసాడు. సుకుమార్ ఈ సినిమాకు కథ అందించడం తో ఈ సినిమాపై భారీ అంచనాలున్నాయి. ఇక మరో చిన్న సినిమా “నేను స్టూడెంట్ సర్ ” కూడా అదే రోజు విడుదల అవుతుంది. బెల్లంకొండ సురేష్ చిన్న కొడుకు బెల్లంకొండ గణేష్ ఈ సినిమాలో హీరోగా నటించాడు. ఏప్రిల్ 21 న “హలో మీరా” అనే చిన్న సినిమా విడుదల అవుతుంది.
అయితే ఏప్రిల్ 28 న మాత్రం రెండు సినిమా ల మధ్య టఫ్ వార్ జరుగనుంది.ఆ రోజున తమిళ మోస్ట్ అవైటెడ్ ఫిలిం పొన్నియన్ సెల్వన్ 2 ప్రపంచ వ్యాప్తంగా భారీ అంచనాలతో పాన్ ఇండియన్ సినిమా గా విడుదల అవుతుంది. మణిరత్నం దర్శకత్వం వహించిన ఈ సినిమాకు ఏ.ఆర్ రహమాన్ సంగీతం అందించారు. భారీ మల్టీ స్టారర్ గా రానున్న ఈ సినిమాలో చియాన్ విక్రమ్, కార్తీ, జయం రవి, ఐశ్వర్య రాయ్, త్రిష, శోభిత ధూళిపాళ హీరో హీరోను గా నటించారు.
ఇక అదే రోజు దీనికి పోటీగా విడుదల అవుతున్న మరో సినిమా “ఏజెంట్”. అక్కినేని అఖిల్ హీరోగా నటించిన ఈ సినిమాకు సురేందర్ రెడ్డి దర్శకత్వం వహించారు. ఈ సినిమాపై కూడా భారీ అంచనాలున్నాయి. ak ఎంటర్టైన్మెంట్స్ బ్యానర్ లో రామబ్రహ్మం ఈ సినిమాను నిర్మించారు. మలయాళ స్టార్ మమ్ముట్టి ప్రత్యేక పాత్రలో నటిస్తున్న ఈ సినిమాలో సాక్షి వైద్య హీరోయిన్ గా నటించింది.హిప్ హప్ తమిజా మ్యూజిక్ అందించగా, ఈ సినిమా కూడా పాన్ ఇండియా లెవెల్లో 5 భాషల్లో ఏప్రిల్ 28 న విడుదల అవుతుంది.
ఒక్క ఏప్రిల్ లోనే ఇన్ని సినిమాలు విడుదల అవుతుంటే తర్వాత మే లో మరెన్ని సినిమాలు విడుదల అవుతాయో సమ్మర్ వార్ ఇంకెంత హీటెక్కిస్తోందో చూడాలి.
For More Updates :
Checkout Filmify for the latest Movie updates, Movie Reviews & Ratings, and all the Entertainment News