టాలీవుడ్ యంగ్ హీరో సుధీర్ బాబు గురించి ప్రత్యేకంగా పరిచయం అవసరం లేదు. హిట్, ఫ్లాట్ లతో సంబంధం లేకుండా విలక్షణమైన కథలను ఎంచుకుంటూ వరుసగా సినిమాలు చేస్తూ తనదైన మార్క్ వేసుకుంటున్నాడు. సుధీర్ బాబు తాజాగా నటించిన చిత్రం ” ఆ అమ్మాయి గురించి మీకు చెప్పాలి”. ఈ చిత్రం ప్రేక్షకులను పెద్దగా ఆకట్టుకోలేకపోయింది. ప్రస్తుతం సుధీర్ బాబుకు హిట్ చాలా అవసరం. ఈ నేపథ్యంలో తన జానర్ ని వదిలేసి “హంట్” అనే యాక్షన్ థ్రిల్లర్ కథతో ప్రేక్షకుల ముందుకు రావడానికి సిద్ధమయ్యాడు. ఈ చిత్రంతో మహేష్ దర్శకుడిగా పరిచయమవుతున్నాడు.
భవ్య క్రియేషన్స్ పథాకంపై వి.ఆనందప్రసాద్ ఈ చిత్రాన్ని నిర్మిస్తున్నారు. జిబ్రాన్ ఈ చిత్రానికి మ్యూజిక్ అందిస్తుండగా.. అరుల్ విన్సెంట్ సినిమాటోగ్రఫీ బాధ్యతలు నిర్వహిస్తున్నారు. ఈ సినిమాలో ఓ కాప్ పాత్రలో సుధీర్ బాబు నటిస్తుండు. పోలీస్ పాత్రలో ఆయన పవర్ఫుల్ లుక్ లో కనిపిస్తున్నాడు. ఈ సినిమాకి “గన్స్ డోంట్ లై” అనే పవర్ ఫుల్ ట్యాగ్ లైన్ పెట్టి ఈ సినిమాపై అదిరిపోయి అంచనాలు క్రియేట్ చేసింది చిత్ర యూనిట్.
ఈ చిత్రం నుంచి ఇప్పటికే విడుదలైన పోస్టర్స్, టీజర్ సినిమాపై అంచనాలను పెంచేశాయి. తాజాగా ఈ సినిమాలోని మాస్ బీట్ సాంగ్ రిలీజ్ డేట్ ని ప్రకటించారు. “పాపతో పైలం” అంటూ సాగే ఈ ఐటెం సాంగ్ ని అక్టోబర్ 11న విడుదల చేయనున్నట్లు చిత్ర బృందం ప్రకటించింది. అప్సర రాణి ఈ ఐటెం సాంగ్ లో అలరించనుంది. నవంబర్ 19న ప్రేక్షకుల ముందుకు రానున్న ఈసినిమాకై అభిమానులు ఆసక్తిగా ఎదురుచూస్తున్నారు.