పవర్ స్టార్ పవన్ కళ్యాణ్ ప్రస్తుతం మంచి జోరుమీద ఉన్నట్టే కనిపిస్తున్నాడు. వరుసగా వచ్చిన అన్ని సినిమాలకు సంతాకాలు చేసేశాడు. క్రిష్ జాగర్లమూడి దర్శకత్వంలో వస్తున్న హరిహర వీరమల్లు షూటింగ్ లో బిజీ బిజీగా గడుపుతున్న పవన్, ఈ చిత్రం తర్వాత హరీష్ శంకర్ తో భవదీయుడు భగత్ సింగ్ చెయ్యబోతున్నాడు. మైత్రి మూవీ మేకర్స్ మరియు ఎస్ ఆర్ టి ఎంటర్టైన్మెంట్స్ సంయుక్తంగా ఈ చిత్రం నిర్మిస్తున్నట్లు వినికిడి.
అయితే పవన్ అభిమానులకు మరో చేదు వార్త తప్పేలా లేదు. ఈ సంవత్సరం తనకున్న అన్ని కమిట్ మెంట్స్ ని పూర్తి చేసి ఇక పూర్తిగా సినిమాలకు స్వస్తి చెప్పాలని నిర్ణయించుకున్నాడట.
జనసేన పెట్టిన కొత్తల్లో కూడా ఇక సినిమాలు చెయ్యనని రాజకీయాలకే తన పూర్తి సమయాన్ని కేటాయిస్తానని మాటిచ్చి…ఆర్ధిక సమస్యల దృష్ట్యా సినిమాలు చెయ్యక తప్పలేదు. ఇకనైనా సినిమాలకు దూరంగా ఉంటాడా?? లేదా ? అనేది కాలమే నిర్ణయించాలి.
