టాలీవుడ్ యువ హీరోల్లో ఒకరు అయినటువంటి వరుణ్ తేజ్ గురించి అందరికీ తెలిసిందే. ఇటీవలే వరుణ్ నటించిన గని నిరాశ పరిచినప్పటికీ ఎఫ్-3 తో మాత్రం విజయాన్ని అందుకున్నాడు. ప్రస్తుతం వరుణ్ ప్రవీణ్ సత్తార్ దర్శకత్వంలో ఓ సినిమాలో నటిస్తున్నారు. ఈ సిసినిమా వరుణ్కి 12వది. తాజాగా మరో చిత్రానికి కమిట్ అయ్యాడు. ఈ చిత్రానికి సంబంధించిన వివరాలను పంచుకుంటూ ఓ వీడియోని విడుదల చేశారు.
ఇండియన్ ఎయిర్ఫోర్స్ నేపథ్యంలో ఈచిత్రం కొనసాగుతుందని, ప్రధానంగా యదార్థ సంఘటనల ఆధారంగానే రూపొందించబోతున్నట్టు తెలిపారు. బౌండెడ్ స్క్రిప్ట్ చదివి సాటిస్పై అయిన వరుణ్ ఈ చిత్రాన్ని ఓకే చేసినట్టు ఈ వీడియోలో చెప్పారు. ఈ సినిమాకి దర్శకుడు ఎవరు..? ప్రొడక్షన్ ఎవరు అనే విషయాలను మరో రెండు రోజుల్లోనే అధికారికంగా ప్రకటించనున్నారట.
ముఖ్యంగా ఏదో స్క్రిప్ట్ చదువుతున్నట్టుగా కనిపించి దానికి ఒక హ్యాపీ ఎండ్ కనిపించడంతో ఆనందించిన వరుణ్ చివరలో ఒక జెట్ని దానిపై పెట్టాడు. ఇక ఈ వీడియోలో బ్యాక్ గ్రౌండ్ స్కోర్ కూడా చాలా ఎఫెక్టివ్ గా ఎమోషనల్ అనిపిస్తుంది. వరుణ్ 13వ సినిమాపై అయితే ఫుల్ డీటెయిల్స్ సెప్టెంబర్ 19న బయటికి రానున్నాయి. మొత్తానికి వరుణ్ తేజ్ నుంచి ఒక కొత్త సబ్జెక్ట్ రాబోతుందనే చెప్పాలి.