ఈసారి సంక్రాంతి రేసులో..

తెలుగువాళ్ళకు పెద్ద పండగ అంటే సంక్రాంతి.
మాములు టైములో రిలీజ్ అయ్యే సినిమాలకంటే సంక్రాంతికి రిలీజ్ అయ్యే సినిమాలకి కలక్షన్స్ ఒక రేంజ్ లో ఉంటాయి.
చాలా సినిమాలు సంక్రాంతి రిలీజ్ కు పోటీ పడుతుంటాయి.
కొన్ని సంక్రాంతి రేసులో పోటీ పడుతుంటాయి.
అలానే 2023 సంక్రాంతికి కొన్ని సినిమాలు బాక్స్ ఆఫీస్ వద్ద తలపడనున్నాయి.

బాహుబలి తరువాత ప్రభాస్ నుంచి వచ్చిన రెండు సినిమాలు నిరాశనే మిగిల్చాయి. ప్రస్తుతం యంగ్ రెబల్ స్టార్ ప్రభాస్ అభిమానులు ఆసక్తిగా ఎదురు చూస్తున్న సినిమా “ఆది పురుష్”. రామాయణం ఆధారంగా తెరకెక్కనున్న ఈ మైథలాజికల్ డ్రామా కి బాలీవుడ్ దర్శకుడు ఓం రౌత్ దర్శకత్వం వహిస్తున్నారు. అయితే ఈ సినిమాలో ప్రభాస్ శ్రీరాముడి పాత్రలో కనిపించబోతుండగా, బాలీవుడ్ బ్యూటీ కృతి సనన్ సీత పాత్రలో కనిపించనుంది. ఈ సినిమాని 2023 సంక్రాంతి రిలీజ్ కి ప్లాన్ చేస్తున్నారు.

పవర్ స్టార్ పవన్ కళ్యాణ్ హీరోగా నటిస్తున్న లేటెస్ట్ చిత్రాల్లో పవన్ కెరీర్ లోనే మోస్ట్ అవైటెడ్ సినిమాగా ఉన్నటువంటి ఫస్ట్ భారీ పాన్ ఇండియా సినిమా “హరిహర వీరమల్లు” కూడా ఒకటి. పవన్ కెరీర్ లోనే బిగ్గెస్ట్ యాక్షన్ డ్రామాగా దర్శకుడు క్రిష్ జాగర్లమూడి అత్యంత ప్రతిష్టాత్మకంగా ఈ సినిమాని తెరకెక్కిస్తున్నారు. ఈ సినిమా కూడా సంక్రాంతికి రిలీజ్ కానుంది. ఈ భారీ సినిమాలతో పాటు మెగాస్టార్ భోళా శంకర్, దళపతి66 రిలీజ్ కానున్నాయి.