మెగా స్టార్ చిరంజీవి ప్రస్తుతం బ్యాక్ టూ బ్యాక్ రెండు సినిమాలు చేస్తున్న విషయం తెలిసిందే. అందులో ఒకటి చిరంజీవి కూతురు సుష్మిత కొణిదెల ప్రొడక్షన్ లో రాబోతుంది. ఆ సినిమాకు సోగ్గాడే చిన్ని నాయన ఫేం కళ్యాణ్ కృష్ణ దర్శకుడిగా వ్యవహరిస్తున్నారు. ఇక ఈ సినిమాతో పాటు గతేడాది బింబిసార సినిమాతో బ్లాక్ బస్టర్ హిట్ కొట్టిన వశిష్ఠ దర్శకత్వంలోను ఒక సినిమా చేయబోతున్నాడు.
అయితే కళ్యాణ్ కృష్ణ తో మెగా స్టార్ చిరంజీవి చేయబోయే చిత్రం ఇంకా స్క్రిప్ట్ దశలోనే ఉండటంతో ఈ సినిమా సెట్స్ పైకి వెళ్ళడానికి మరికొద్ది రోజుల సమయం పట్టనున్నట్టు తెలుస్తుంది. అయితే వశిష్ఠ సినిమా పనులు మాత్రం చక చక జరుగుతున్నాయి. ప్రస్తుతం ప్రీ ప్రొడక్షన్ పనులు శర వేగంగా జరుగుకుంటున్న ఈ సినిమాకు నవంబర్ లో సెట్స్ పైకి వెళ్లనున్నట్టు సమాచారం అందుతోంది.
సోషియో ఫాంటసీ నేపథ్యం లో రాబోతున్న ఈ సినిమాను భారీ బడ్జెట్ తో యూవీ క్రియేషన్స్ నిర్మిస్తున్నారు. నవంబర్ నుంచి రెగ్యులర్ షూటింగ్ మొదలు పెట్టి వచ్చే ఏడాది ఏప్రిల్ కల్ల షూటింగ్ పూర్తి చేయడానికి సన్నాహాలు చేస్తున్నారు. ఇక ఏప్రిల్ నుంచి CG పనులు 6 నెలల పాటు జరగనున్నాయట. పక్క ప్లానింగ్ తో ప్రొసీడ్ అవుతున్న మూవీ టీం ఈ సినిమాను ఎట్టి పరిస్థితుల్లోనూ వచ్చే సంక్రాంతి కిరిలీజ్ చేయడానికి రంగం సిద్ధం చేస్తున్నారు.
Check out Filmify for the latest Tollywood Movie updates, Movie Reviews, Ratings, and all the Entertainment News Updates in Bollywood and Celebrity News & Gossip from all Film Industires.