Pushpa Part 2 Crazy Rumor
ఐకాన్ స్టార్ అల్లు అర్జున్ హీరోగా, నేషనల్ క్రష్ రష్మిక మందన్న హీరోయిన్ గా సుకుమార్ దర్శకత్వంలో తెరకెక్కిన పుష్ప సినిమా ఎంత పెద్ద హిట్ కొట్టిందో మనందరికీ తెలిసిందే. ఈ సినిమా ఏకంగా 300 కోట్లు కలెక్ట్ చేయడంతో పాటు అల్లు అర్జున్ కి పాన్ ఇండియా లెవెల్ లో ఓ స్టార్ గా గుర్తింపు తెచ్చుకున్నాడు. అలాగే రష్మిక కి కూడా బాలీవుడ్ లో మంచి ఆఫర్స్ వచ్చాయి. ఇప్పుడు ఈ సినిమాకి సీక్వెల్ గా పుష్ప 2 ని తెరకెక్కిస్తున్నారు.
ఈ సినిమా కోసం ఏడాదిగా బన్నీ ఫ్యాన్స్ ఎంతగానో ఎదురుచూస్తున్నారు. ఈ చిత్రంలో అల్లు అర్జున్, రష్మిక నటన ఒక ఎత్తు అయితే.. సమంత ఐటమ్ సాంగ్ మరో ఎత్తు అని చెప్పవచ్చు. “ఊ అంటావా మామ” అంటూ ఇండస్ట్రీని షేక్ చేసింది సమంత. ఇప్పుడు పుష్ప 2 లో కూడా అంతకుమించిన ఐటమ్ సాంగ్ ని సెట్ చేయాలని చూస్తున్నాడు సుకుమార్. ఇందుకోసం సుకుమార్ ఓ స్టార్ హీరోయిన్ కోసం వెతుకుతున్నారట. ఈ సాంగ్ కోసం చాలామంది హీరోయిన్ల పేర్లు పరిశీలనలోకి వచ్చాయి.
తాజాగా ఈ సినిమాలోని ఐటెం సాంగ్ కోసం ఓ స్టార్ హీరోయిన్ ని తీసుకున్నారనే టాక్ నడుస్తుంది. ఆమె ఎవరో కాదు టాలీవుడ్ యంగ్ బ్యూటీ, బిజీయేస్ట్ హీరోయిన్ శ్రీలీల. ఈ ముద్దుగుమ్మ అయితేనే సినిమాకి మరింత హైప్ వస్తుందని భావించిన సుకుమార్ శ్రీలీలను సంప్రదించారట. అయితే ఐటమ్ సాంగ్ చేస్తే మళ్లీ హీరోయిన్ గా చేసే అవకాశాలు వస్తాయో రావో అని ఆలోచిస్తుందట శ్రీలీల. చూడాలి మరి ఈ బ్యూటీ ఐటమ్ సాంగ్ కి ఓకే చేస్తుందా..? లేదా..? అనేది.
Check Filmify for the most recent movies news and updates from all Film Industries. Also get latest tollywood news, new film updates, Bollywood Celebrity News & Gossip at filmify