‘సర్కారు వారి పాట’ నుండీ విడుదలైన ‘కళావతి’ ‘పెన్నీ’ ‘సర్కారు వారి పాట టైటిల్ సాంగ్’ ‘మ మ మహేషా’ వంటి పాటలు అన్నీ సూపర్ హిట్ అయ్యాయి.కానీ ‘మురారి బావా’ అనే మరో మాస్ పాట కూడా ఉంటుందని చిత్ర బృందం ఎప్పటినుండో చెప్పుకొస్తోంది. లిరిక్ రైటర్ అనంత్ శ్రీరామ్ కూడా ఈ పాట ఉంటుందని ప్రమోషన్లలో చెప్పుకొచ్చాడు. కానీ ఇప్పటి వరకు ఆ పాట విడుదల కాలేదు. జ్యూక్ బాక్స్ లో ఉంటుందేమో అనుకున్నారు కానీ .. జ్యూక్ బాక్స్ ను కూడా విడుదల చేయలేదు. ఈ పాట గురించి మహేష్ బాబు ఓ ఇంట్రెస్టింగ్ విషయాన్ని తెలియజేశాడు.
‘ మురారి బావ అనే పాట అసలు సినిమాలో ఉండదు. ఆ పాట ప్లేస్ లో ‘మ మ మహేషా’ పాటని రీప్లేస్ చేయడం జరిగింది. సినిమా రిలీజ్ అయ్యాక ‘మురారి బావ’ పాటని యూట్యూబ్ లో విడుదల చేస్తాము.ఇక సినిమా చాలా బాగా వచ్చింది. పోకిరి మీటర్ లో ఉంటుంది ఈ సినిమా. ఇలాంటి రోల్ ఇన్నాళ్ళకి దొరికింది. ‘ అంటూ మహేష్ చెప్పుకొచ్చాడు.
