గత రెండు రోజుల నుంచి సోషల్ మీడయా, ప్రింట్ మీడియా, న్యూస్ ఛానల్స్ అన్నింటిలో ఒక్కటే న్యూస్… విశ్వక్ సేన్. తాను హీరోగా నటిస్తున్న అశోక వనంలో అర్జున కళ్యాణం సినిమా ప్రమోషన్స్ లో భాగంగా ఆదివారం ఓ ఫ్రాంక్ వీడియో చేశాడు. అక్కడి నుంచి మొదలైంది అసలు కథ. ఆ ఫ్రాంక్ వైరల్ అవడం.. వాహనదారులు, నెటిజన్లు ఫైర్ అవడం అంతా చక చక జరిగిపోయింది.
అలాగే సోమవారం ఓ న్యూస్ ఛానెల్ డిబేట్ కు వెళ్లిన విశ్వక్ సేన్.. యాంకర్ పై అసభ్యకరంగా F*** అంటూ తీవ్ర వ్యాఖ్యలు చేశాడు. దీంతో ఈ వివాదం కాస్త చిలికి చిలికి గాలి వానాల తయారైంది. విశ్వక్ సేన్ ప్రవర్తనపై నెట్టింట్లో దుమ్మెత్తి పోశారు. అయితే ఎట్టకేలకు ఈ మాస్ హీరో తగ్గాడు.
ఆ పదం వాడాల్సింది కాదని.. దానికి సారీ చెబుతున్నట్టు ప్రకటించాడు. అయితే చిన్న పిల్లాడికి దెబ్బ తగిలితే.. అమ్మ అని వచ్చినట్టు.. తనకు కూడా ఆ పదం వస్తుందని వివరణ ఇచ్చాడు. యువకుడిని తప్పు చేశాను క్షమించాలని అన్నాడు. అలాగే తాను ఆ ఒక్క పదం కాకుండా.. ఏ తప్పు చేయాలేదని తెలిపాడు.
కాగ విశ్వక్ సేన్ సారీ చెప్పడంపై నెటిజన్లు.. పలు రకాలుగా స్పందిస్తున్నారు. అప్పుడు తగ్గని విశ్వక్ ఇప్పుడు తగ్గాడండోయ్ అంటూ ఆయనపై ట్రోల్స్ చేస్తున్నారు.