మెగాస్టార్ చిరంజీవి ,రాధికా కాంబినేషన్ గురించి ప్రత్యేకంగా చెప్పాల్సిన అవసరం లేదు. వీళ్ళ కాంబినేషన్ లో బ్లాక్ బస్టర్ సినిమాలు ఉన్నాయ్.
న్యాయం కావాలి , యమకింకరుడి , పట్నం వచ్చిన పతివ్రతలు, అభిలాష , ఆరాధన లాంటి సినిమాలు చేసి సూపర్ హిట్ జోడి అనిపించుకున్నారు. ఇప్పుడు మరోసారి వీళ్ళ కలయికలో ఒక సినిమా రాబోతుంది. అది వీళ్ళద్దరు జంటగా అనుకుంటే పొరపాటే.
రాధికా తెలుగులో నిర్మించాలి అనుకునే ఒక ప్రాజెక్ట్ లో మెగాస్టార్ నటించనున్నారట. కేవలం నటిగానే కాకుండా నిర్మాతగా కూడా తనదైన ముద్రను వేసుకున్నారు రాధికా. తెలుగు , తమిళ్ భాషల్లో నిర్మాతగా చేసిన అనుభవం కూడా ఆమెకు ఉంది. ఇప్పుడు మెగాస్టార్ నటించబోయే సినిమాకి దర్శకుడు ఎవరు , నటీనటులు ఎవరు అనే విషయాలు తెలియాలి అంటే ఇంకొంతకాలం వెయిట్ చెయ్యాల్సిందే.
ప్రస్తుతం మెగాస్టార్ వరుస సినిమాలతో బిజీగా ఉన్నారు. ఇది మాత్రమే కాకుండా ఎవరు ఊహించని డైరెక్టర్స్ తో సినిమాను ఫిక్స్ చేసి అనౌన్స్ చేస్తున్నారు. ఆచార్య సినిమా థియేటర్స్ లో రన్ అవుతుండగానే, తను ఒప్పుకున్నా సినిమాలు చేసే బిజీలో పడిపోయారు మెగాస్టార్.