చిన్న సినిమాగా విడుదలై పెద్ద హిట్ గా నిలిచిన సినిమాలలో బేబీ సినిమా కూడా ఒకటి. సాయి రాజేష్ దర్శకత్వంలో తెరకెక్కిన ఈ సినిమా యూత్ కి బాగా కనెక్ట్ అయ్యింది. ఈ చిత్రంలో హీరోగా నటించిన ఆనంద్ దేవరకొండ తో పాటు హీరోయిన్ గా నటించిన వైష్ణవి చైతన్య కనబరిచిన నటనకు అద్భుతమైన స్పందన లభించింది. ఈ చిత్రానికంటే ముందు షార్ట్ ఫిలిమ్స్, సినిమాలలో చిన్న చిన్న పాత్రలలో నటించిన ఈ ముద్దుగుమ్మ.. ఈ మూవీతో మంచి గుర్తింపు తెచ్చుకుంది. దీంతో ఈ బ్యూటీకి వరుస ఆఫర్లు లైన్ కడుతున్నాయి.
అంతేకాదు ఈ భామ మరో తెలుగు హీరోయిన్ శ్రీలీలకు గట్టి పోటీ ఇస్తుందని అంటున్నారు. ప్రస్తుతం ఈ భామ చేతిలో ఐదు సినిమాలు ఉన్నాయి. ఇదిలా ఉంటే.. ఓ స్టార్ హీరో వైష్ణవి చైతన్యకు ఊహించని గిఫ్ట్ పంపించారట. ఈ న్యూస్ ఇప్పుడు పెద్ద ఎత్తున సోషల్ మీడియాలో వైరల్ గా మారింది. ఆ హీరో మరెవరో కాదు ఐకాన్ స్టార్ అల్లు అర్జున్. బన్నీ ఏకంగా 20 లక్షల రూపాయల చెక్ ని వైష్ణవి చైతన్యకు పంపించినట్లు ఓ వార్త వైరల్ గా మారింది. అయితే దీనికి ఒక కారణం ఉందట. అల్లు అర్జున్ ఇన్పుట్స్ తో త్వరలో ఆయన సొంత బ్యానర్ గీత ఆర్ట్స్ లో వైష్ణవి ప్రధాన పాత్రలో ఓ సినిమా వస్తోందట.
ఈ క్రమంలోనే ఆమెకు అడ్వాన్స్ రూపంలో బన్నీ ఈ చెక్ పంపించారని తెలుస్తుంది. ఇక ఆ చెక్ అందుకున్న వైష్ణవి ఆనందంతో పరవశంలో తేలిపోతుందట. వైష్ణవి చైతన్య అల్లు అర్జున్ నటించిన అలవైకుంఠపురం సినిమాలో హీరోకి చెల్లెలి పాత్ర పోషించిన సంగతి తెలిసిందే. ఆ తరువాత ఆమె నటించిన బేబీ సినిమా సక్సెస్ సెలబ్రేషన్ లో భాగంగా అల్లు అర్జున్ చీఫ్ గెస్ట్ గా హాజరయ్యారు. ఈ క్రమంలోనే ఇండస్ట్రీలో తెలుగు అమ్మాయిలు రావాలి అని, తెలుగు అమ్మాయిలని ఎంకరేజ్ చేస్తానని హామీ ఇచ్చిన విషయం తెలిసిందే.
Check Filmify for the most recent movies news and updates from all Film Industries. Also get latest tollywood news, new film updates, Bollywood Celebrity News & Gossip at filmify