Spark Movie: 40 కోట్లు వృథా… తప్పు చేశారా? తప్పు దారి పట్టించారా?

ఈ వారం థియేటర్లలోకి వచ్చిన సినిమాల్లో ‘స్పార్క్’ ఒకటి. ఈ ఫాంటసీ థ్రిల్లర్ మూవీతో విక్రాంత్ రెడ్డి అనే యువకుడు హీరోగా టాలీవుడ్ కు పరిచయమయ్యాడు. మెహరీన్, రుక్సార్ థిల్లాన్ హీరోయిన్లుగా నటించారు. సినిమా రిలీజ్ అయింది అన్న విషయం కూడా చాలామందికి తెలియదు. సినిమా సంగతి ఎలా ఉన్నా కూడా నెగిటివ్ టాక్ అయితే గట్టిగా వచ్చేసింది. కొత్త అబ్బాయి అన్న కనికరం కూడా లేకుండా హీరోను ట్రోల్ చేస్తున్నారు. ఇక హీరోయిన్ల సంగతి సరే సరే. ఇద్దరు కూడా ఫామ్ లో లేని హీరోయిన్లే.

రివ్యూ కూడా నెగటివ్ గా రావడంతో ప్రేక్షకులు అసలు ఆ మూవీ గురించి గూగుల్ లో కూడా సెర్చ్ చేయడం లేదు, పైగా భారీ బడ్జెట్ తో మూవీని నిర్మించిన నిర్మాతలు తలపై తడిగుడ్డ వేసుకుని కూర్చోవలసి వస్తోంది. భారీ బడ్జెట్ తో రూపొందిన ఈ సినిమాతో మేకర్స్ నిండా మునిగిపోయారు.

తాజాగా రిలీజ్ అయిన ‘స్పార్క్’ మూవీ మొత్తానికి నెగిటివ్ టాక్ ను మూటగట్టుకుంది. టెక్నికల్ గా కొన్ని మెరుపులు ఉన్నా, సినిమా కథ, కథనాలు చాలా బోరింగ్ గా ఉండటంతో ఆడియన్స్ నెగిటివ్ ఫీడ్ బ్యాక్ ఇచ్చారు. ఈ చిత్రానికి ఏకంగా రూ.40 కోట్ల బడ్జెట్ పెట్టారట. అందులో హీరోయిన్ కే భారీ పారితోషికం పుచ్చుకున్నారట. హీరోయిన్ మెహరీన్ కి రూ.3.5 కోట్ల భారీ రెమ్యూనరేషన్ ఇచ్చినట్టు తెలుస్తోంది, మరి అసలు ఆఫర్సే లేని ఈ బ్యూటికి అంత భారీ మొత్తంలో ఎందుకు చెల్లించారో నిర్మాతలకే తెలియాలి.

- Advertisement -

ఇక రుక్సార్ ధిల్లాన్ ఈ సినిమాలో హీరోయిన్ గా నటించినందుకు గాను రూ.80 లక్షలు తీసుకుందట. సో 10 పర్సెంట్ హీరోయిన్ల పారితోషికాలకే ఖర్చయిపోయింది. ఇక హీరోగా నటించిన విక్రాంత్ రెడ్డి హీరోగా, డైరెక్టర్ గా రెమ్యూనరేషన్ అందుకున్నాడు. అంతేకాదు ఈయన గారికి అసలు డైరెక్షన్, ప్రొడక్షన్లో అనుభవం లేక రూ.40 కోట్ల ఓవర్ బడ్జెట్ అయిపోయినట్టు తెలుస్తుంది. సినిమా నిడివి కూడా ఏకంగా 2 గంటల 50 నిమిషాలు ఉండడమే అందుకు నిదర్శనం.

ఇక సినిమా డిజాస్టర్ టాక్ తెచ్చుకోవడంతో నిర్మాతలు భారీ నష్టం తప్పదు. మూవీ మేకర్స్ సినిమా క్వాలిటీ మీద కంటే హీరో యాక్టింగ్, డైరెక్షన్ వంటి విషయాలపై దృష్టి పెట్టి ఉంటే, కనీసం పెట్టిన బడ్జెట్ లో సగమైనా రికవరీ అయ్యే ఛాన్స్ ఉండేదని అంటున్నారు. మొత్తానికి అంతా కలిసి ఏకంగా 40 కోట్లను బూడిదలో పోసిన పన్నీరు చేశారు. నిర్మాతలు ఇలా హీరో అడిగినంత ఇచ్చేసి తప్పు చేశారా? లేక హీరోగా నటించిన విక్రాంత్ రెడ్డి వారిని తప్పు దారి పట్టించాడా?

Check Filmify for the most recent movies news and updates from all Film Industries. Also get latest tollywood news, new film updates, Bollywood Celebrity News & Gossip at filmify

సంబందిత వార్త‌లు

మ‌రిన్ని వార్త‌లు

ప్ర‌ధాన వార్త‌లు