Prem Kumar, Mr. Pregnant is releasing on August 18
టాలీవుడ్ లో ఈ వారం రెండు సీనియర్ స్టార్ హీరోల సినిమాలు రిలీజ్ అవుతున్నాయన్న సంగతి తెలిసిందే. అందులో ఒకటి మెగాస్టార్ చిరంజీవి భోళా శంకర్ కాగా, మరొకటి రజినీకాంత్ జైలర్. ఇక ఈ రెండు కాక శ్రీ సింహ నటించిన చిన్న సినిమా ఉస్తాద్ కూడా రిలీజ్ అవుతుంది. ఈ మూడు వరుసగా 10,11,12 తేదీలలో రిలీజ్ అవుతున్నాయి. అయితే పెద్ద సినిమాలు రిలీజ్ అవుతున్నాయి, కాబట్టి ఆ తరువాతి వారంలో ఏ చిన్న సినిమా కూడా రిలీజ్ కాదు అని అనుకున్నారు.
పైగా అదే రోజు రిలీజ్ అవ్వాల్సిన ఆదికేశవ, మిస్ శెట్టి మిస్టర్ పోలిశెట్టి లాంటి సినిమాలు కూడా వాయిదా పడ్డాయి. కానీ చిత్రంగా రెండు సినిమాలు ఆగష్టు18 న రిలీజ్ కి రెడీ అవుతున్నాయి. అది కూడా రెండు చిన్న సినిమాలే కావడం ఆశ్చర్యం. ఇక వాటిలో ఒకటి సంతోష్ శోభన్ హీరోగా నటించిన “ప్రేమ్ కుమార్” కాగా, మరొకటి బిగ్ బాస్ ఫేమ్ సోహెల్ హీరోగా నటించిన “మిస్టర్ ప్రెగ్నెంట్”. ఈ రెండు సినిమాలు ఆగష్టు 18న రిలీజ్ కి రెడీ అవుతున్నాయి.
ఈ రెండు కామెడీ నేపథ్యం ఉన్న సినిమాలే అయినా, మార్కెట్ లో వీటి మీద పెద్దగా బజ్ లేదు. ట్రైలర్లు బాగుండి మెప్పించినా, ప్రస్తుతం ఈ వారం రిలీజ్ అవుతున్న పెద్ద సినిమాల పైనే ఆడియన్స్ దృష్టి ఉంది. ఇక ఈ చిన్న సినిమాలు రిలీజ్ అయిన నెక్స్ట్ వీక్ లో కూడా, అంటే ఆగష్టు25న గాండీవధారి అర్జున, బెదురు లంక సినిమాలు రిలీజ్ అవుతున్నాయి. వీటిపై కూడా మంచి అంచనాలు ఉన్నాయి. ఇక ముందు నుయ్యి వెనుక గొయ్యి అన్నట్టు ఈ సినిమాల మధ్య హైప్ లేని ఈ చిన్న సినిమాలు రిలీజ్ చేయడం ఎందుకు అని ట్రేడ్ పండితులు అంటున్నారు.
ఎందుకంటే పోటీలో ఉన్న పెద్ద సినిమాల మధ్య రిలీజ్ చేస్తే పాజిటివ్ టాక్ వచ్చినా థియేటర్ల సమస్య తలెత్తే అవకాశం ఉంది. కాబట్టి సినిమాలు పోస్టుపోన్ చేసి వచ్చే నెలలో రిలీజ్ చేసుకుంటే మంచిదని ట్రేడ్ విశ్లేషకులు సలహా ఇస్తున్నారు. మరి ఈ చిన్న హీరోలు అనుకున్న సమయానికి వస్తారా లేదా వెనక్కి తగ్గుతారా చూడాలి.
For More Updates :
Checkout Filmify for the latest Movie updates, Movie Reviews & Ratings, and all the Entertainment News