“Devara” shoot is going on fast!
దేవర టీమ్ స్పీడ్ పెంచారు. జూనియర్ ఎన్టీఆర్ హీరోగా నటిస్తున్న దేవర సినిమా షూటింగ్ ప్రస్తుతం హైదరాబాద్ లో జరుపుకుంటుంది. ఎన్టీఆర్ RRR తరువాత చేస్తున్న సినిమా కావడంతో ఈ సినిమా పై భారీ అంచనాలున్నాయి. ఇక ఆచార్య డిజాస్టర్ తరువాత కొరటాల శివ కూడా ఈ సినిమాతో ఎలాగైనా బ్లాక్ బస్టర్ కొట్టాలని కసిమీదున్నాడు. అందుకే ఆరు నెలల టైం తీసుకుని మరీ స్క్రిప్టులో చేంజ్ చేసి సినిమా తీస్తున్నాడు.
ఇక పాన్ ఇండియా సినిమాగా తెరకెక్కుతున్న ఈ సినిమాలో బాలీవుడ్ భామ జాన్వీ కపూర్ హీరోయిన్ గా నటిస్తున్న విషయం తెలిసిందే. ఇక ఇప్పటికే ఈ సినిమా 50శాతం షూటింగ్ ని కంప్లీట్ చేసుకోగా, తాజాగా హైదరాబాద్ లో రామోజీ ఫిల్మ్ సిటీ లో వేసిన సెట్ లో కీలక సన్నివేశాలను చిత్రీకరిస్తున్నారు. ఈ షూటింగ్ లో ఎన్టీఆర్ తో పాటు, సైఫ్ అలీఖాన్ కి సంబంధించిన సీన్లను తీస్తున్నారు. బహుశా వీరి మధ్య ఫైట్ సీన్ షూటింగ్ జరగవచ్చని నెటిజన్లు ఎక్స్పెక్ట్ చేస్తున్నారు.
అయితే ఎన్టీఆర్ ఈ సెట్స్ లో ముందునుండి ఉండగా, సైఫ్ మాత్రం ఈరోజే షూటింగ్ లో జాయిన్ అయ్యాడని అంటున్నారు. ఎందుకంటే సైఫ్ అలీఖాన్ ముంబై నుండి హైదరాబాద్ లో ఈరోజే ల్యాండ్ అయినట్టు ఎయిర్ పోర్ట్ ఫొటోలు వైరల్ అవుతున్నాయి. ఇక ఈ సినిమా సముద్ర తీరా ప్రాంత నేపథ్యంలో తెరకెక్కిస్తున్నారని టాక్ నడుస్తుంది. ఇప్పటికే ఎన్టీఆర్ ఫస్ట్ లుక్ సినిమాపై ఓ రేంజ్ హైప్ ని తీసుకురాగా, టీజర్ అప్డేట్ గురించి ఫ్యాన్స్ ఆతృతగా ఎదురుచూస్తున్నారు.
For More Updates :
Checkout Filmify for the latest Movie updates, Movie Reviews & Ratings, and all the Entertainment News