Mahima Nambiar : సినిమా ఇండస్ట్రీలో జరిగే గొడవలు కొన్ని ఇంట్రెస్టింగ్ గా ఉంటాయి. తాజాగా తనకు ఓ హీరోకు మధ్య జరిగిన గొడవను బయట పెట్టింది మలయాళ హీరోయిన్ మహిమ నంబియార్. సదరు హీరో తన నెంబర్ ను దాదాపు ఏడేళ్ల పాటు బ్లాక్ చేశాడని చెప్పి షాక్ ఇచ్చింది. మరి ఇంతకీ మహిమను బ్లాక్ చేసిన ఆ స్టార్ హీరో ఎవరు? అనే వివరాల్లోకి వెళితే…
ఇదే హీరో హీరోయిన్ మధ్య జరిగిన వివాదం
మలయాళ స్టార్ హీరో ఉన్ని ముకుందన్ తెలుగు ప్రేక్షకులకు కూడా సుపరిచితమే. భాగమతి సినిమాలో హీరోగా నటించారు ఆయన. ప్రస్తుతం ఈ హీరో జై గణేష్ అనే సినిమాలో నటిస్తున్నాడు. ఈ మూవీలోనే హీరోయిన్ గా చేస్తోంది మహిమ నంబియార్. తాజాగా జరిగిన ఈ మూవీ ప్రమోషనల్ ఈవెంట్లో పాల్గొన్న మహిమ హీరో ఉన్ని గురించి షాకింగ్ విషయాన్ని వెల్లడించింది.
మహిమా మాట్లాడుతూ 2017లో రిలీజ్ అయిన మాస్టర్ పీస్ అనే సినిమాలో తాను ఉన్ని ముకుందన్ కలిసి నటించామనే విషయాన్ని గుర్తు చేసింది. అయితే ఆ సినిమా రిలీజ్ అయ్యాక స్క్రిప్ట్ రైటర్ ఉదయన్ కృష్ణ దగ్గర మహిమ ఉన్ని నెంబర్ ను తీసుకుందట. ఆ తర్వాత సమయం చూసుకొని వాట్సాప్ లో ఉన్ని కి మహిమ వాయిస్ మెసేజ్ పంపించిందట. అందులో తాను మహిమను అనే విషయాన్ని తెలియజేసి, స్క్రిప్ రైటర్ ఉదయన్ దగ్గర అతని నెంబర్ ఎలా తీసుకుందనే విషయాన్ని వివరించిందట. అయితే ఆ ఒక్క వాయిస్ మెసేజ్ లో ఆమె ఉదయన్ అని రెండు మూడు సార్లు సంబోధించిందట. ఆశ్చర్యకరంగా ఆ వాయిస్ మెసేజ్ విన్న వెంటనే ఉన్ని ముకుందన్ మహిమ నెంబర్ ను బ్లాక్ చేశారట. ఆయన ఎందుకలా చేశారనే విషయం తనకు అర్థం కాలేదని, ఆ తర్వాత ఉదయన్ కు ఫోన్ చేసిన ఉన్ని మహిమ గురించి కంప్లైంట్ చేశారట. మహిమ అహంకారి అని, పదేపదే ఉదయన్ అని పిలుస్తోందని, ఓ సీనియర్ ను ఇలా సంబోధిస్తారా అంటూ ఫైర్ అయ్యారట. అదే కోపంతో మహిమ నెంబర్ ను ఏడేళ్ల పాటు బ్లాక్ చేసారట.
ఇక తాజాగా జై గణేష్ ప్రమోషన్ సందర్భంగా తాను ఉదయన్ ను ఎందుకలా పిలవాల్సి వచ్చిందో పిలవాల్సి వచ్చిందో వివరణ ఇచ్చింది మహిమ. ఉదయన్ కృష్ణతో తనకున్న మంచి పరిచయం వల్లే అలా పేరు పెట్టి పిలిచేదాన్ని అని, కానీ ఉన్నికి ఆ విషయం తెలియకపోవడం వల్ల ఇలా చేసి ఉండొచ్చని క్లారిటీ ఇచ్చింది. ఇక ఇదే విషయంపై స్పందించిన ఉన్ని ముకుందన్ ఆమె ఆ సమయంలో అలా చేయడం వల్ల వచ్చిన కోపంతోనే ఇన్నేళ్లు బ్లాక్ చేశానని చెప్పుకొచ్చారు. ఆ తర్వాత తను నటిస్తున్న సినిమాలో మహిమ హీరోయిన్ అని తెలియగానే తన నెంబర్ ను అన్ బ్లాక్ చేసి మెసేజ్ పంపానని చెప్పుకొచ్చారు.