సాయి పల్లవి.. యాక్టింగ్ తో ఫీదా చేస్తుంది. డాన్స్ తో మెస్మరైజ్ చేస్తుంది. మంచి గుణంతో మనసు దోచేస్తుంది. అందుకే కాబోలు.. ఆమెకు ఇంత క్రేజ్. దీని వల్లే సాధారణ డాన్సర్ గా స్టార్ట్ అయిన సాయి పల్లవి ప్రయాణం.. స్టార్ హీరోయిన్ హోదా వరకు వచ్చింది. ఒక్క భాష కాదు.. మూడు భాషాల ఆడియన్స్ గుండెల్లో పదిలమైన స్థానాన్ని దక్కించుకుంది.
2008 లో ఉంగాలి యార్ ఆడుత ప్రభుదేవ షోతో డాన్సర్ గా పరిచయం అయిన సాయి పల్లవి.. ఈటీవీలో వచ్చిన డీ4 లో ఫైనలిస్ట్ గా నిలిచి.. అందరి మన్ననలు అందుకుంది. కొద్ది రోజుల్లోనే మలయాళంలో ప్రేమమ్ సినిమాతో హీరోయిన్ గా వెండి తరకు గ్రాండ్ ఎంట్రీ ఇచ్చింది. తొలి సినిమాకే సాయి పల్లవి.. బెస్ట్ డెబ్యూ హీరోయిన్ విభాగంలో ఫిల్మ్ ఫేర్ తో పాటు మొత్తం ఐదు అవార్డులను గెలిచింది.
మెగా హీరో వరుణ్ తేజ్ తో ఫీదా మూవీతో పరిచయం అయిన సాయి పల్లవి.. హైబ్రిడ్ పిల్లా గా పేరు తెచ్చుకుంది. ఈ మూవీకి కూడా బెస్ట్ డెబ్యూ హీరోయిన్ (తెలుగు) అవార్డు దక్కించుకుంది. దీని తర్వాత సాయి పల్లవి వెనక్కితిరిగి చూడలేదు. వరుస సినిమాలు చేస్తూ.. ప్రేక్షకులకు దగ్గర అవుతూ వచ్చింది. లేటెస్ట్ గా లవ్ స్టోరీ, శ్యామ్ సింగ రాయ్ సినిమాలు కూడా సాయి పల్లవికి మంచి హిట్స్ అందించాయి.
దీని తర్వాత ఈ హైబ్రిడ్ పిల్లకు వచ్చిన క్రేజ్ ఇంత అంతా కాదు. ఇటీవల ఆడవాళ్లు మీకు జోహర్లు సినిమా ప్రీ – రిలీజ్ ఈవెంట్ లో సాయి పల్లవి మాట్లాడుతుంటే.. ఫ్యాన్స్ అరుపులకు డైరెక్టర్ సుకుమార్ తో సహా రష్మిక మందన్నా, కీర్తి సురేష్ షాాక్ అయ్యారు. సుకుమార్ అయితే.. సాయి పల్లవిని లేడీ పవర్ స్టార్ అంటూ ఆకాశానికి ఎత్తేశాడు.
ఇంత ఎత్తు ఎదిగిన ఈ లేడీ పవర్ స్టార్.. కెరీర్ లో ఇంకా ఎన్నో గొప్ప సినిమాలు చేయాలని తెలుపుతూ రోజు పుట్టిన రోజు శుభాకాంక్షలు…
