యాక్షన్ సినిమాలంటే బోయపాటి. బోయపాటి అంటే యాక్షన్. ఆయన దర్శకత్వంలో ఇప్పటి వరకు వచ్చిన ప్రతీ సినిమా యాక్షన్ నేపథ్యంలోనివే. అందులో కొన్ని హిట్స్ ఉన్నాయి, ప్లాప్స్ ఉన్నాయి. ఇటీవల నందమూరి బాలయ్య హీరోగా వచ్చిన “అఖండ” ఎంత పెద్ద హిట్ అయిందో ప్రత్యేకంగా చెప్పాల్సిన అవసరం లేదు. కరోనా మహమ్మారి ఉన్నా, టికెట్లు ప్రైజ్ తక్కువగా ఉన్నా బ్లాక్సాఫీస్ షేక్ అయింది.
ఇంత పెద్ద హిట్ సినిమా చేసిన బోయపాటిని ఓ చెడు సెంటిమెంట్ మాత్రం విడిచిపెట్టడం లేదు. అగ్ర హీరోలతో చేసే సినిమాలే హిట్ అవుతాయని, యంగ్ హీరోలతో చేసే సినిమాలు ప్లాప్ అవడం ఖయమనే సెంటిమెంట్ ఉంది. బోయపాటి ఇప్పటి వరకు యంగ్ హీరోలతో చేసిన సినిమాల్లో అల్లు అర్జున్ “సరైనోడు” మినహా అన్ని సినిమాలు పెద్ద డిజాస్టార్లే.
యంగ్ టైగర్ ఎన్టీఆర్ “దమ్ము” బెల్లంకొండ శ్రీనువాస్ “జయ జానకి నాయక” మెగా పవర్ స్టార్ రామ్ చరణ్ “వినయ విధేయ రామ” సినిమాలు ఆ హీరోల కెరీర్ లోనే మర్చిపోలేని చేదు అనుభవాలుగా మిగిలిపోయాయి. వీటి తర్వాత బోయపాటితో యంగ్ హీరోలు సినిమాలు చేయాలంటే వెనకడుగు వేస్తున్నారు.
కానీ, ఎనర్జిటిక్ రామ్ మాత్రం ఈ యాక్షన్ డైరెక్టర్ తో సినిమా చేయడానికి ముందుకువచ్చాడు. RAPO 20 వర్కింట్ టైటిల్ తో బోయపాటి ఇప్పటికే సినిమాను కూడా అనౌన్స్ చేశాడు. ఈ మూవీని పాన్ ఇండియా రేంజ్ లో రిలీజ్ చేయడానికి ప్లాన్ చేస్తున్నాడు.
అయితే బోయపాటి తనపై ఉన్న ఆ చెడు సెంట్ మెంట్ ను ఈ మూవీతో చెరిపేస్తాడా..? లేదా మళ్లీ అదే కొనసాగించి రామ్ పోతినేని కెరీర్ లో కూడా ఓ డిజాస్టార్ ను నమోదు చేయిస్తాడా..? అని తెలియాలంటే ఈ మూవీ వచ్చే వరకు ఎదురు చూడాల్సిందే.
