నేచురల్ స్టార్ నాని హీరోగా నటించిన దసరా ఈ నెల (మార్చి 30) న విడుదల అవుతున్న విషయం తెలిసిందే. శ్రీకాంత్ ఓదెల అనే కొత్త దర్శకుడు ఈ సినిమాను తెరకెక్కిస్తున్నాడు. పక్కా తెలంగాణ నేపథ్యంలో పవర్ ఫుల్ మాస్ రోల్ చేస్తున్న నాని ఇప్పటివరకు కనిపించిన లుక్స్ అన్నిటికంటే డిఫరెంట్ గా ఉంది. కీర్తి సురేష్ హీరోయిన్ గా నటించిన ఈ సినిమాలో సాయి కుమార్, సముద్రఖని, దీక్షిత్ శెట్టి, పూర్ణ, జరీనా వాహబ్ కీలక పాత్రలు పోషించారు.
కాలా, కబాలి లాంటి చిత్రాలకు మ్యూజిక్ ఇచ్చిన సంతోష్ నారాయనణ్ ఈ సినిమాకు సంగీతం అందించారు. మార్చి30 న పాన్ ఇండియా సినిమాగా ప్రపంచ వ్యాప్తంగా విడుదలవుతున్న ఈ సినిమా అయిదు భాషల్లో రిలీజ్ అవుతుంది. భారీ అంచనాలున్న ఈ సినిమాకు హిందీలో మాత్రం ఒక సమస్య అడ్డు పడుతుంది.
హిందీలో ఇదే రోజు అనగా మార్చి30న విడుదలవుతున్న సినిమా భోళా. తమిళ్ హిట్ సినిమా ఖైదీ ని రీమేక్ గా తెరకెక్కిన ఈ సినిమా ని అజయ్ దేవగన్ స్వయంగా నటించి నిర్మించాడు. విశేషం ఏంటంటే అజయ్ దేవగన్ ఈ సినిమాకు దర్శకత్వం కూడా వహించాడు. కాగా రెండు సినిమాలకు థియేటర్లను సరిగ్గా పంచట్లేదని దసరా నిర్మాత అంటున్నారు. ముందుగా 1000 థియేటర్లలో రిలీజ్ కి ప్లాన్ చేసినా 500 థియేటర్లు మాత్రమే దొరకడంతో దసరా నిర్మాత అసహనం వ్యక్తం చేస్తున్నారు.
అయితే బాలీవుడ్ ఆడియన్స్ మాత్రం భోళా సినిమాను చూడ్డానికి అంత ఇంట్రెస్ట్ చూపించడం లేదని అనిపిస్తుంది. ఎందుకంటే ట్రైలర్ చూస్తే ఖైదీ రీమేక్ ని చాలా మార్పులు చేసాడని తెలిసిపోతుంది. ఈ సినిమా ఏ మాత్రం బెడిసికొట్టినా ఈ థియేటర్లలో దసరా ని భర్తీ చేయవచ్చు. ఈ రెండింటి రిజల్ట్ తెలియాలంటే మార్చి30 వరకు వేచి చూడాలి.
For More Updates :
Checkout Filmify for the latest Movie updates, Web Stories, and all the Entertainment News