ఎలా ఉంటాడు? అమ్మలా అందంగా ఉంటాడా? నాన్నలా హ్యాండ్‌సమ్‌గా ఉంటాడా? అసలు పిక్స్ బయటకొస్తాయా? సీక్రెట్ గా దాచేస్తారా? ఇప్పుడు సోషల్ మీడియాలో ఇవే క్వశ్చన్స్. ఎవరి గురించి అనుకుంటున్నారా? మన టాలీవుడ్ చందమామ కొడుకు గురించి.. అవును, కాజల్ అమ్మగా ప్రమోట్ అయింది. మంగళవారం పండంటి మగబిడ్డకు జన్మనిచ్చింది. ఇదే న్యూస్ సోషల్ మీడియాను షేక్ చేస్తోంది.
సౌత్ ఇండియాలో టాప్ హీరోయిన్‌గా ఉన్న కాజల్.. లాస్ట్ ఇయర్ అక్టోబర్ 30న వ్యాపార‌వేత్త గౌతమ్ కిచ్లును పెళ్లి చేసుకుంది. కరోనా మ‌హ‌మ్మారి వ‌ల్ల ఈ మ్యారేజీ సింపుల్ గా జ‌రిగింది. కొద్ది రోజుల్లోనే చందమామ బాడీలో చేంజస్ కనిపించడంతో.. ప్రెగ్నెంట్ అంటూ సోషల్ మీడియా న్యూస్ వైరల్ అయింది. ఫైనల్‌గా జనవరి 8న ప్రెగ్నెన్సీని అఫీషియల్ గా అనౌన్స్ చేశారు. అప్పటి నుంచి బేబీ బంప్, బేబీ షవర్ ఫొటోలను ఫ్యాన్స్‌కి షేర్ చేస్తూ వచ్చింది.
కాజల్ కి మగబిడ్డ పుట్టినట్టు బాలీవుడ్ షాదీ డాట్ కమ్ మంగళవారం రివీల్ చేసింది. దీంతో సోషల్ మీడియా ఫ్లాట్ ఫామ్స్ అన్ని కాజల్ పిక్ తో నిండిపోయాయి. చందమామకు ఫ్యాన్స్ విషెస్ చెబుతున్నారు. బేబీ ఫోటోస్ కోసం ఎదురు చూస్తున్నారు. కాజల్.. తన కొడుకు ఫోటోలను రివీల్ చేస్తారా? లైమ్ లైట్ నుంచి దూరంగా ఉంచుతారా చూడాలి. ప్ర‌స్తుత కాలంలో సెలబ్రిటీలు తన పిల్లల విషయంలో ప్రైవసీ మెయిన్‌టెన్ చేస్తున్నారు.
మ్యారేజ్ తరువాత కూడా ప్రొఫెషనల్ లైఫ్, పర్సనల్ లైఫ్ ను బ్యాలెన్స్ చేస్తూ వచ్చింది చందమామ. కానీ, ప్రెగ్నెన్నీ కన్ఫార్మ్ అయిన తరువాత సినిమాలకు దూరం అయ్యింది. నాగార్జునతో హాఫ్ షూటింగ్ కంప్లీట్ చేసుకున్న ‘ది ఘోస్ట్’ మూవీ వదులుకుంది. ఇక కాజల్ చేసిన మెగా మూవీ ఆచార్య ఏప్రిల్ 29న రిలీజ్ కి రెడీగా ఉంది.
