Personality Development: మన డైలీ లైఫ్ లో కొంతమంది మనకంటే మెంటల్ గా స్ట్రాంగ్ గా ఉన్నట్టు కనిపిస్తారు. మరి వాళ్ళు అలా ఎలా ఉండగలుగుతున్నారు? మెంటల్ గా స్ట్రాంగ్ గా ఉండాలంటే ఎలాంటి సీక్రెట్ టిప్స్ పాటించాలి? అని ఆలోచిస్తున్నారా? అయితే ఇదేం పెద్ద మ్యాజిక్ కాదు. పాజిటివిటీ, కాన్సన్ట్రేషన్ ను పెంచే అలవాట్లు మీరు ఉంటే మీరు కూడా మెంటల్ గా స్ట్రాంగ్ అని అర్థం. ఇక సాధారణంగా బ్రేక్ ఫాస్ట్ చేసేముందు చేసే కొన్ని పనులే మనం మానసికంగా బలంగా ఉన్నామా లేమా అనే విషయాలను తెలియజేస్తాయి. మరి మీకు కూడా ఈ అలవాట్లు ఉన్నాయా? అని ఒకసారి చెక్ చేసుకోండి.
ఉదయాన్నే లేవడం
మెంటల్ గా స్ట్రాంగ్ గా ఉండే వారికి ఉండే మొదటి అలవాటు తెల్లవారుజామునే లేవడం. అలారం పెట్టుకోకపోయినా ఉదయాన్నే లేచి ఉల్లాసంగా ఉంటారు. ఇక ఇలా ఉదయాన్నే లేవడం వల్ల ప్రశాంతంగా ఉండటమే కాకుండా ఆరోజు చేయాల్సిన పనులను ప్లాన్ చేసుకోవడానికి కావలసినంత టైం దొరుకుతుంది.
వ్యాయామం చేయడం
ఇక మానసికంగా స్ట్రాంగ్ గా ఉండాలి అంటే కేవలం మెంటల్ హెల్త్ పై ఫోకస్ పెడితే సరిపోదు. ఫిజికల్ గా కూడా ఫిట్ గా ఉండాలి. ఈ విషయం మెంటల్ గా స్ట్రాంగ్ గా ఉండే వ్యక్తులకు బాగా తెలుసు. కాబట్టి ఉదయాన్నే వ్యాయామం చేయడం, జాగింగ్, యోగ వంటి ఎక్సర్సైజ్ లు చేస్తారు. ఈ వ్యాయామల వల్ల శరీరంలో ఎండార్పిన్ విడుదలై మంచి అనుభూతి కలుగుతుంది. దీంతో ఆరోజు పాజిటివ్ గా ప్రారంభమవుతుంది. కాబట్టి ఫిజికల్ ఫిట్నెస్ అనేది సంకల్పాన్ని బలపరచడమే కాకుండా, మానసికంగా కూడా బలాన్ని ఇస్తుంది.
ధ్యానం చేయడం
ప్రతిరోజు ఉదయాన్నే ధ్యానం చేయడం వల్ల మానసిక ప్రశాంతత దొరుకుతుంది. మైండ్ క్లియర్ అయ్యి, ఒత్తిడి కూడా తగ్గిపోతుంది. కాబట్టి ఆ రోజులు ప్రశాంతంగా స్టార్ట్ చేయగలుగుతారు. మెంటల్ గా స్ట్రాంగ్ గా ఉండే వారికి ఉండే ప్రధానమైన అలవాట్లలో ఇది కూడా ఒకటి. ధ్యానం చేయడం వల్ల పనిపై ఫోకస్ చేయగలుగుతాము. అలాగే మానసిక బలానికి కీలకమైన ఎమోషనల్ హెల్త్ ను పొందగలుగుతాం.
విజువలైజేషన్
విజువలైజేషన్ కు ఉండే శక్తి సాధారణమైనది కాదు. మానసికంగా బలంగా ఉండే వ్యక్తులు ప్రతిరోజూ ఉదయం వారు సక్సెస్ సాధించినట్లుగా ఊహించుకొని, దాని ద్వారా మోటివేట్ అవుతారు. ఒక్కసారి కళ్ళు మూసుకుని గోల్స్ సాధించినట్టు, అందులో ఎదురయ్యే ఛాలెంజ్ ను అధిగమించినట్టు, చివరగా సక్సెస్ సాధించినట్టు, తమ శ్రమకు తగ్గ ప్రతిఫలాన్ని అందుకున్నట్టు ఊహించుకుంటే మీపై మీకే నమ్మకం కలుగుతుంది. అలాగే మరింత చురుగ్గా మీ టార్గెట్ వైపు అడుగులు వేయగలుగుతారు.
చదవడం
చదవడం అనేది మానసికంగా బలంగా ఉండే వ్యక్తులు పాటించే మరో అలవాటు. మంచి పుస్తకం చదవడం వల్ల కొత్త ఆలోచనలు, విభిన్న పర్స్పెక్టివ్స్ ఏర్పడతాయి. దీనివల్ల మీలో క్రియేటివిటీ కూడా పెరుగుతుంది. కాబట్టి రోజూ ఉదయాన్నే పుస్తకం చదవడానికి మెంటల్లి స్ట్రాంగ్ గా ఉండే పీపుల్ ఇష్టపడతారు.
ఆరోగ్యకరమైన ఆహారం
మెంటల్ గా స్ట్రాంగ్ గా ఉండాలంటే కేవలం ఏం చేస్తున్నాం అనేది మాత్రమే కాదు ఏం తింటున్నాం అనేది కూడా ఇంపార్టెంట్. కాబట్టి పోషకాలతో నిండి ఉన్న బ్రేక్ ఫాస్ట్ చేయడంతో ఆ రోజును ఉల్లాసంగా స్టార్ట్ చేస్తారు. ఈ హెల్తీ ఫుడ్ ఏకాగ్రతను పెంచడంలో హెల్ప్ చేస్తుంది. అలాగే ఏకాగ్రతగా ఉండాలంటే శరీరాన్ని హైడ్రేట్ గా ఉంచుకోవాలి. కాబట్టి దానికోసం ఎక్కువగా నీళ్లు తాగడం, సరైన పోషకాలతో నిండి ఉండే బ్రేక్ఫాస్ట్ చేయడం ముఖ్యం.
అంతేకాకుండా ఎలాంటి పరిస్థితులు ఎదురైనా పాజిటివ్ గా ఆలోచించడం, కాన్ఫిడెన్స్ తో ఉండడం, గోల్స్ రివ్యూ చేసుకోవడం వంటి అలవాట్లు మెంటల్ గా స్ట్రాంగ్ గా ఉండే వ్యక్తులలో ఉండే ముఖ్యమైన అలవాట్లు. మరి మీకు కూడా ఇలాంటి అలవాట్లు ఉన్నాయా? ఒకవేళ మీ సమాధానం “ఎస్” అయితే మీరు మెంటల్ గా స్ట్రాంగ్ గా ఉన్నట్టే.
Check Filmify for the most recent movies news and updates from all Film Industries. Also get latest tollywood news, new film updates, Bollywood Celebrity News & Gossip at filmify