శ్రీదేవి మూవీస్ బ్యానర్ పై సమంత ప్రధాన పాత్రలో తెరకెక్కిన లేటెస్ట్ థ్రిల్లింగ్ యాక్షన్ మూవీ “యశోద”. పాన్ ఇండియా రేంజ్ లో తెరకెక్కిన ఈ మూవీని యువ దర్శకులు హరీ, హరీష్ కలిసి సంయుక్తంగా తీశారు. ప్రముఖ నిర్మాత శివలెంక కృష్ణ ప్రసాద్ ఈ చిత్రాన్ని నిర్మించారు. మణిశర్మ సంగీతం అందించిన ఈ చిత్రం నుంచి ఇప్పటికే విడుదలైన పోస్టర్స్, టీజర్, థియేట్రికల్ ట్రైలర్ ఇలా అన్ని సినిమాపై భారీ అంచనాలను క్రియేట్ చేశాయి. ఈ చిత్రం నవంబర్ 11న ప్రేక్షకుల ముందుకు రానుంది. ఈ నేపథ్యంలో వరలక్ష్మీ శరత్ కుమార్ మీడియాతో ముచ్చటించారు. ఈ చిత్రంలో నెగిటివ్ ఛాయలున్న పాత్రను పోషించానని చెప్పుకొచ్చింది వరలక్ష్మి శరత్ కుమార్.
ఈ చిత్రం కోసం సమంత చాలా కష్టపడ్డారని.. సమంత తనకి 12 ఏళ్ల క్రితమే పరిచయమని చెప్పింది వరలక్ష్మి. “12 ఏళ్ల క్రితమే సమంతకి నాకు చెన్నైలో పరిచయం అయింది. ఇక ఈ సినిమాలో నాకు సీరియస్ సీన్స్ ఉన్నాయి. నేను షూటింగ్ గ్యాప్ వస్తే జోక్స్ వేసేదాన్ని. షాట్ కి ముందే జోక్స్ ఎందుకు వేస్తావు అని సమంత నవ్వేది. సమంతతో నటించడం చాలా సరదాగా ఉంటుంది. ఆమె ఈ చిత్రంలో ఫుల్ రోల్ లో బాగా నటించింది. క్రాక్ సినిమాలో జయమ్మ తర్వాత నాకు మంచి రోల్స్ వస్తున్నాయి. ప్రస్తుతం నేను తెలుగులోనే ఎక్కువగా సినిమాలు చేస్తున్నాను”. అని చెప్పుకొచ్చింది వరలక్ష్మి శరత్ కుమార్.