కోలీవుడ్ స్టార్ హీరో ధనుష్ వరుస సినిమాలతో జోరు మీదున్నాడు. ఈ పొంగల్ కి కెప్టెన్ మిల్లర్ తో యావరేజ్ హిట్ కొట్టిన ధనుష్ పెద్దగా గ్యాప్ కూడా తీసుకోకుండా తన తదుపరి సినిమాలపై ఫోకస్ పెట్టాడు. ప్రస్తుతం శేఖర్ కమ్ములతో సినిమా చేస్తున్నాడు. ఈ మధ్యనే వారం రోజుల షెడ్యూల్ ని కూడా పూర్తి చేసిన ధనుష్, ఆ సినిమా గ్యాప్ లో మరో సినిమా షూటింగ్ లో కూడా బిజీ అవుతున్నాడు. అయితే రీసెంట్ గా తన కొత్త సినిమా అనౌన్స్ కూడా చేసిన సంగతి తెలిసిందే. “రాయన్” అనే పేరుతో తెరకెక్కుతున్న ఈ సినిమాకు ధనుష్ నటించడమే గాకుండా దర్శకత్వం కూడా తానే వహిస్తున్నాడు. ఇక ఈ సినిమాను కళానిధి మారన్ నిర్మిస్తున్నాడు.
ధనుష్ ఒక మెకానిక్ గా నటిస్తున్న ఈ సినిమాలో పోస్టర్ లోనే సందీప్ కిషన్, తమిళ్ నటుడు కాళిదాస్ కీలకపాత్రల్లో నటిస్తున్నారని రివీల్ చేసారు. అయితే ఈ సినిమాలో మరో ఇద్దరు విలక్షణ నటులు కూడా నటిస్తున్నారని తాజాగా అనౌన్స్ చేయడం జరిగింది. ఇక ఆ ఇద్దరు కూడా విలక్షణ దర్శకులు కూడా. ఒకప్పుడు వాళ్ళ సినిమాలతో ఇండస్ట్రీని ఊపేసిన ఆ దర్శకులు ఇప్పుడు నటులుగానూ మంచి పాత్రలు చేస్తూ రానిస్తున్నారు. వాళ్లలో ఒకరు ఎస్.జె. సూర్య కాగా, మరొకరు సెల్వ రాఘవన్. తాజాగా ధనుష్ తన ట్విట్టర్ పేజ్ ద్వారా ఈ ఇద్దరూ తన రాయన్ సినిమాలో నటిస్తున్నారంటూ అనౌన్స్ చేసాడు.
ఇక సెల్వ రాఘవన్ స్వయానా ధనుష్ అన్న కూడా కావడం వీశేషం. వీళ్లిద్దరి కాంబోలో పలు సూపర్ హిట్ సినిమాలు వచ్చాయి. అయితే ఈ సినిమా ఇప్పుడు మొదలైనా కూడా శేఖర్ కమ్ముల తో ధనుష్ సినిమా పూర్తి అయిన తర్వాతే ఈ సినిమాపై పూర్తిగా ఫోకస్ పెడతాడట ధనుష్. మరి రాబోయే రోజుల్లో ఇంకెంత మంది స్టార్ క్యాస్టింగ్ ని రాయన్ లో దించుతాడో చూడాలి.
Check Filmify for Latest movies news in Telugu and updates from all Film Industries. Also, get latest Bollywood news, new film updates, Celebrity latest Photos & Gossip news at Filmify Telugu