తెలుగు ఫిలిం ఇండస్ట్రీకి సాహిత్య రచయితగా ఎంట్రీ ఇచ్చాడు కృష్ణ చైతన్య. ఎన్నో అద్భుతమైన చిత్రాలకు మంచి పాటలను రాశాడు ఆ పాటలు కూడా మంచి హిట్ అయ్యాయి. అయితే నానా రోహిత్ హీరోగా చేసిన రౌడీ ఫెలో సినిమాతో దర్శకుడుగా కూడా తనను తాను ప్రూవ్ చేసుకున్నాడు. రౌడీ ఫెలో సినిమా ఎంత అద్భుతంగా ఉంటుందో ప్రత్యేకంగా చెప్పాల్సిన అవసరం లేదు. ఆ సినిమాకి కృష్ణ చైతన్య అందించిన డైలాగ్స్. ఆ సినిమాను తీసిన విధానం. ఆ సినిమాలో నారా రోహిత్ క్యారెక్టర్జేషన్ డిజైన్ చేసిన విధానం ఇవన్నీ కూడా ప్రేక్షకులకి ఆసక్తికరంగా అనిపించాయి. అయితే ఆ సినిమా తర్వాత కృష్ణ చైతన్య చేసిన సినిమా ఛల్ మోహన్ రంగ. ఈ సినిమాకు కథను త్రివిక్రమ్ శ్రీనివాస్ అందించారు. అయితే ఈ సినిమా బాక్స్ ఆఫీస్ వద్ద ఊహించని విజయాన్ని సాధించలేకపోయింది. ఆ తర్వాత దర్శకత్వానికి కొంత గ్యాప్ ఇచ్చాడు కృష్ణ చైతన్య.
ప్రస్తుతం కృష్ణ చైతన్య చేస్తున్న సినిమా గ్యాంగ్స్ ఆఫ్ గోదావరి. ఈ సినిమా టీజర్ రీసెంట్గా రిలీజ్ అయింది. టీజర్ కూడా ప్రేక్షకులకు ఆసక్తిని రేకెత్తిస్తుంది. విశ్వక్సేన్ నటిస్తున్న ఈ సినిమా మే 17న రిలీజ్ కు సిద్ధమవుతుంది. ఈ సినిమాకి యువన్ శంకర్ రాజా సంగీతం అందిస్తున్నారు. ఈ సినిమాపై అందరికీ మంచి అంచనాలు ఉన్నాయి. అయితే ఈ సినిమాకి సంబంధించిన టీజర్ రిలీజ్ ఈవెంట్ లో కొన్ని ఆసక్తికర విషయాలను పంచుకున్నారు చిత్ర యూనిట్.
విశ్వక్సేన్ నటిస్తున్న ఈ సినిమా తన కెరీర్ లోనే బెస్ట్ గా ఉండబోతుంది అంటే చెప్పుకొచ్చాడు విశ్వక్. ఈ సినిమాలో తన డ్రీమ్ రోల్ నెరవేరింది అంటూ చెప్పుకొచ్చాడు. ఇకపోతే ఇప్పటివరకు వచ్చిన తెలుగు సినిమాల్లో చాలావరకు గోదావరి అంటే మంచితనం, మర్యాద, ప్రకృతి అందాలు చూపిస్తూ వచ్చారు చాలామంది దర్శకులు. అయితే ఈ సినిమా మాత్రం అలా కాకుండా వేరే కోణాన్ని కూడా ఆవిష్కరించబోతుంది అంటూ చెప్పుకొచ్చాడు దర్శకుడు కృష్ణ చైతన్య.
అలానే పురాణాల గురించి ప్రస్తావిస్తూ పూర్వం జరిగే కథలను పురాణాలు అంటారంటూ చెప్పుకొచ్చాడు. అలానే కొన్ని పుక్కిటి పురాణాలు అంటూ ఉంటాయి అలా లంకల దీవి గురించి విన్న కొన్ని కథలకి కొంత కల్పితం జోడించి ఈ సినిమాను తీశాను అంటూ చెప్పుకొచ్చాడు. అలానే గోదావరి అంటే కేవలం మంచితనం ప్రకృతి అందాలు మాత్రమే కాదు మాలో కూడా ఒక టైప్ ఆఫ్ పీపుల్ ఉంటారు చాలామంది రాజకీయ నాయకుల్లో మీరు అది చూసే ఉంటారు. ఈ సినిమాలో అలా చూపించే ప్రయత్నం చేస్తున్నాం అంటూ చెప్పుకొచ్చాడు.
రౌడీ ఫెలో సినిమా తర్వాత కృష్ణ చైతన్య తన కథతో సినిమా చేయటంతో ఈ సినిమాపై మంచి అంచనాలు ఉన్నాయి. ఈ సినిమాను మొదట త్రివిక్రమ్ శ్రీనివాస్ కు చెప్పాడంట కృష్ణ చైతన్య. అయితే హీరో ఎవరు అనుకుంటున్నారు అని అడిగినప్పుడు విశ్వక్సేన్ అనుకుంటున్నాను అంటూ చెప్పుకొచ్చాడంట. త్రివిక్రమ్ శ్రీనివాస్, నాగ వంశీ కలిసి విశ్వక్సేన్ తో మాట్లాడటంతో ఈ సినిమా పట్టాలెక్కింది. ఈ సినిమాలో విశ్వక్సేన్ సరసన నేహా శెట్టి నటిస్తుంది.