ప్రయోగాత్మక సినిమాలతో అందరినీ మెప్పిస్తున్న హీరో శ్రీ విష్ణు. హిట్, ఫ్లాప్ లతో సంబంధం లేకుండా వివిధ జోనర్స్ లో వరుస సినిమాలు చేసుకుంటూ వెళుతున్నాడు శ్రీ విష్ణు. అయితే ఇటీవల ఆయన నటించిన కొన్ని సినిమాలు పెద్దగా అలరించలేకపోయాయి. గతేడాది ” గాలి సంపత్”, ” రాజరాజ చోర”, ” అర్జున ఫల్గుణ” “భళా తందనాన” చిత్రాలతో ప్రేక్షకుల ముందుకు వచ్చాడు. ఈయన తాజాగా నటించిన చిత్రం ” అల్లూరి”. ఈ సినిమాకు సంబంధించిన ఫస్ట్ లుక్, టీజర్ ఇప్పటికే విడుదలై ప్రేక్షకుల అంచనాలను పెంచేశాయి. ప్రదీప్ వర్మ దర్శకత్వంలో తెరకెక్కిన ఈ మూవీ కి బెక్కం వేణుగోపాల్ నిర్మాతగా.. లక్కీ మీడియా బ్యానర్ పై తెరకెక్కిస్తున్నారు. యాక్షన్ డ్రామా నేపథ్యంలో తెరకెక్కిన ఈ చిత్రం సెప్టెంబర్ 23న విడుదల కానుంది. ఈ నేపథ్యంలో ఈ మూవీ ట్రైలర్ ని హీరో నాని విడుదల చేశారు.
“లక్ష్యం పెట్టుకోవడం, దాన్ని సాధించడం గొప్ప కాదు. లక్ష్యసాధన కోసం చేసే పోరాటం అద్భుతం” అని తనికెళ్ళ భరణి.. హీరోలో స్ఫూర్తిని నింపే సంభాషణతో ప్రారంభమైన ఈ ట్రైలర్ అధ్యంతం అలరించింది. పోలీస్ పవర్ ఎలా ఉంటుందో మరోసారి ఈ ట్రైలర్ లో చూపించారు. నిజాయితీగా ఉండే ఓ సిన్సియర్ పోలీస్ ఆఫీసర్ కు ఎలాంటి పరిణామాలు ఎదురయ్యాయి.. వాటిని అతడు ఎలా సమర్ధవంతంగా ఎదుర్కొన్నాడు అనే పాయింట్ తో ఈ సినిమా కధ సాగనుంది. ఈ సినిమాకు హర్షవర్ధన్ రామేశ్వర్ సంగీతం అందించగా.. ఖయాద్ లోహర్ హీరోయిన్ గా నటిస్తోంది. తనికెళ్ల భరణి, సుమన్, మధుసూదన్ రావు, రాజా రవీంద్ర, పృధ్విరాజ్ తదితరులు ఈ సినిమాలో కీలకపాత్రలలో నటిస్తున్నారు. ఇక సెప్టెంబర్ 18న ఈ సినిమా ప్రీ రిలీజ్ ఈవెంట్ జరగనుంది. ఈ ఈవెంట్ కి ముఖ్యఅతిథిగా అల్లు అర్జున్ హాజరుకానున్నారు. మరి శ్రీ విష్ణు చేసిన ఈ కొత్త ప్రయోగం ఎంతవరకు ఆకట్టుకుంటుందో వేచి చూడాలి.