సాధారణంగా ఒక సినిమాపై బజ్ క్రియేట్ చేయడం, ఆడియన్స్కి ఆసక్తి కలిగించేలా ప్రమోషన్స్ చేయడం మామూలు విషయం కాదనే చెప్పాలి. కానీ యంగ్ హీరో కార్తీక్ రాజు ప్రధాన పాత్రలో పెగ్గో ఎంటర్ టైన్ మెంట్స్ బ్యానర్పై తెరకెక్కుతున్న చిత్రం అధర్వ. ఈ చిత్రం ప్రారంభం నుంచే ప్రేక్షకులకు ఆసక్తి కలిగే విధంగా ప్రమోషన్స్ చేస్తున్నారు.
క్రైమ్ థిల్లర్ సినిమా డిఫరెంట్ కాన్సెప్ట్ టచ్ చేస్తూ రాబోతున్న ఈ సినిమాకి మహేష్ రెడ్డి దర్శకత్వం వహిస్తుండగా.. సుభాష్ నూతలపాటి నిర్మాణ బాధ్యతలు నిర్వహిస్తున్నారు. నూతలపాటి నరసింహం, అనసూయమ్మ సమర్పణలో తెలుగు, తమిళ, కన్నడ, మలయాళ భాషల్లో ఏకకాలంగలో ఈ సినిమాను గ్రాండ్గా రూపొందిస్తున్నారు.
ఇటీవలే మాస్ మహారాజా రవితేజ చేతుల మీదుగా విడుదల చేయించిన టైటిల్ లోగో, మోషన్ పోస్టర్ కి విశేషమైన స్పందన వచ్చింది. ముఖ్యంగా నేను నమ్మిన సత్యం, వెతికే లక్ష్యం, దొరకాల్సిన సాక్ష్యం చేధించే వరకు ఈ కేసును వదిలిపెట్టను సార్ అంటూ చెప్పిన డైలాగ్ అందరిలో ఆసక్తిని రేకెత్తించింది. తాజాగా ఈ చిత్రం నుంచి హీరోకి సంబంధించిన ఫస్ట్ లుక్ పోస్టర్ విడుదల చేశారు. ఈ పోస్టర్లో హీరో యాక్షన్ లుక్ లో కనిపించారు. ఇందులో హీరో కార్తీక్ రాజు పవర్పుల్ రోల్ను పోషించినట్టు ఫస్ట్ లుక్ పోస్టర్ చూస్తే అర్థమవుతోంది.