హోంబలే ఫిల్మ్స్.. కెజిఎఫ్ సినిమాతో ఇండియా వైడ్ గా సంచలనం సృష్టించి ఇండియన్ బిగ్ ప్రాజెక్ట్ బ్యానర్ లలో ఒకటి గా నిలిచింది. మొదట కన్నడ సినిమాలను మాత్రమే నిర్మించిన ఈ ప్రొడక్షన్ బ్యానర్ ఇప్పుడు ఇండియా అంతటా ఇతర భాషల్లోనూ సినిమాలు నిర్మిస్తుంది. ఇప్పటికే తెలుగులో ప్రభాస్ నటిస్తున్న “సలార్” నిర్మిస్తున్న ఈ బ్యానర్ తమిళ్ లో రఘు తాత అనే సినిమాను కూడా నిర్మిస్తున్నారు. హోంబలే ఫిల్మ్స్ నిర్మాత అయిన విజయ్ కిరగందూర్ తాను ఏ సినిమా నిర్మించినా ఖర్చుకు వెనకాడకుండా చాలా రిచ్ గా తెరకెక్కిస్తారు. అందుకే ఈ బ్యానర్ లో వచ్చిన అన్ని సినిమాలు బ్లాక్ బస్టర్ హిట్ అయ్యాయి.
అయితే తాజాగా ఈ బ్యానర్ నుండి వచ్చిన ఒక ప్రతిష్టాత్మక చిత్రం డిజాస్టర్ అవడంతో హోంబలె ఫిల్మ్స్ విజయ పరంపరకు బ్రేక్ పడింది. వివరాల్లోకి వెళ్తే మలయాళ స్టార్ ఫహద్ ఫజిల్ హీరోగా నటించిన “ధూమం” సినిమాను ఈ బ్యానర్ లోనే నిర్మించారు. ఇక సౌత్ భాషలన్నింటిలోనూ జూన్ 23న రిలీజ్ అయిన ఈ సినిమా అన్నింట్లోనూ డిజాస్టర్ టాక్ తెచ్చుకుంది. ఫహద్ పజిల్ ఉండడం వల్ల ఈ సినిమా మలయాళంలో ఒక మోస్తరుగా ఆడుతుంది.
అయితే “ధూమం” సినిమా ప్లాప్ కావడానికి పెద్దగా కారణం లేకపోయినా మరీ ఇంత డిజాస్టర్ కావడానికి మాత్రం నిర్మాణ సంస్థే కారణం. ఎందుకంటే ఈ సినిమా ట్రైలర్ రిలీజ్ మినహా మిగతా ఏ రకమైన ప్రమోషన్లు “ధూమం” సినిమాకి చేయలేదు. అదీగాక అన్ని సినిమాల ఊపులో తమ బ్యానర్ పేరుపై ఈ సినిమా ఆడేస్తుడనుకున్నారో లేక, కంటెంట్ గురించి ముందే తెలిసి ఆడదని గ్రహించి లైట్ తీసుకున్నారో తెలియదు గాని, ఈ బ్యానర్ లో ఫస్ట్ డిజాస్టర్ పడిందని చెప్పవచ్చు.
అయితే ధూమం సినిమా ప్లాప్ వల్ల హోంబలె ఫిల్మ్స్ కి పెద్దగా నష్టమేమి జరగలేదు. సినిమాకి అంత బడ్జెట్ పెట్టలేదు గనుక తక్కువ నష్టపోతారు. అయితే ఇప్పుడు తమ దృష్టి మొత్తం ప్రశాంత్ నీల్ తెరకెక్కిస్తున్న “సలార్” సినిమాపై పెట్టారు. ఈ సినిమాతో మరో 1000కోట్ల సినిమా పొందాలని చూస్తున్నారు.
For More Updates :
Checkout Filmify for the latest Movie updates, Web Stories, and all the Entertainment News