RAPO’s Double Ismart
బాలీవుడ్ స్టార్ సంజయ్ దత్ ( Sanjay Dutt ) సినిమాల్లో రీఎంట్రీ ఇచ్చిన తర్వాత సౌత్ లో కూడా వరుసగా సినిమాలు చేస్తున్న సంగతి తెలిసిందే. కెజిఎఫ్ సినిమాలో విలన్ రోల్ లో నటించి మెప్పించిన సంజయ్ ప్రస్తుతం పూరి – రామ్ ల కాంబినేషన్లో వస్తున్న డబుల్ ఇస్మార్ట్, విజయ్ – లోకేష్ కనగరాజ్ ల కాంబినేషన్లో వస్తున్న లియో సినిమాలో కూడా నటిస్తున్నాడు.
ఇటీవలే ఈ రెండు సినిమాలకు సంబంధించి సంజయ్ లుక్స్ రిలీజ్ కాగా మంచి రెస్పాన్స్ వస్తోంది. డబుల్ ఇస్మార్ట్ సినిమాలో నటించేందుకు సంజయ్ భారీ మొత్తంలో రెమ్యునరేషన్ ఛార్జ్ చేశాడని సమాచారం అందుతోంది. ఈ సినిమా కోసం 60రోజులు కేటాయించిన సంజూ భాయ్, 15కోట్ల రెమ్యునరేషన్ అందుకుంటున్నాడట.
లైగర్ సినిమా ద్వారా ఘోర డిజాస్టర్ అందుకున్న ఛార్మి, పూరి జగన్నాధ్ ఈ సినిమాతో స్ట్రాంగ్ కమ్ బ్యాక్ ఇవ్వాలన్న కసితో ఉన్నట్లు తెలుస్తోంది. హీరో రామ్ కి కూడా ఇటీవల చెప్పుకోదగ్గ హిట్ లేని నేపథ్యంలో ఈ సినిమా కీలకంగా మారింది. ఇటీవలే షూటింగ్ ప్రారంభమైన ఈ సినిమాను 2024 మార్చ్ 8న రిలీజ్ చేయనున్నట్లు అనౌన్స్ చేసింది సినిమా యూనిట్. ఇటీవలే బేబీ సినిమాతో హీరోయిన్ గా ఎంట్రీ ఇచ్చి బ్లాక్ బస్టర్ అందుకున్న వైష్ణవి చైతన్య ఈ సినిమాలో హీరోయిన్ గా నటించనుందని టాక్ వినిపిస్తోంది.
మొత్తానికి విలన్ రోల్స్ కి షిఫ్ట్ అయిన సంజూ భాయ్ కెజిఎఫ్ సినిమా ద్వారా వచ్చిన క్రేజ్ తో రెమ్యునరేషన్ ని అమాంతం పెంచేసాడు. ఇస్మార్ట్ శంకర్ కి ముందు కూడా రామ్ కి సరైన హిట్ లేని నేపథ్యంలో ఆ సినిమా బ్లాక్ బస్టర్ అయ్యింది కాబట్టి ఇప్పుడు ఆ సినిమాకి సీక్వెల్ గా వస్తున్న డబుల్ ఇస్మార్ట్ కూడా బ్లాక్ బస్టర్ అవుతుందని నమ్మకంగా ఉన్నారు.
For More Updates :
Checkout Filmify for the latest Movie updates, Movie Reviews & Ratings, and all the Entertainment News