టాలీవుడ్ లో రూపొందుతున్న క్రేజీ ప్రాజెక్ట్స్ లో “సైంధవ్” కూడా ఒకటి. విక్టరీ వెంకటేష్ హీరోగా నటిస్తున్న ఈ సినిమాను “హిట్” సిరీస్ ఫేమ్ శైలేష్ కొలను దర్శకత్వం వహిస్తున్న విషయం తెలిసిందే. ఇక ఈ సినిమా వెంకటేష్ కి ల్యాండ్ మార్క్ (75వ సినిమా) కావడంతో వెంకటేష్ అభిమానులతో పాటు, కామన్ ఆడియన్స్ కూడా భారీ అంచనాలతో ఎదురుచూస్తున్నారు. దీనికితోడు ఈ సినిమా యొక్క గ్లిమ్ప్స్, కీలక పాత్రధారుల ఫస్ట్ లుక్స్ అన్నీ ఆకట్టుకోవడంతో టాలీవుడ్ లో ఓ రేంజ్ అంచనాలున్నాయి.
ఇక ఈ సినిమా యొక్క షూటింగ్ ఇప్పటికే 70శాతం కంప్లీట్ అవగా, తాజాగా హైదరాబాద్ లో షూటింగ్ జరుపుకుంటుంది. ఇక సైంధవ్ నుండి ఇప్పటివరకు హీరో,హీరోయిన్ల లుక్స్ తో పాటు, ఇతర ప్రధాన పాత్రధారుల లుక్స్ కూడా రిలీజ్ అయ్యాయి. తాజాగా ఈ సినిమా నుండి మరో పాత్ర ని రివీల్ చేసారు మేకర్స్. తాజాగా సైంధవ్ సినిమాలో సారా అనే చిన్న పాప గాయత్రి పాత్రలో నటిస్తున్నట్టు ఫస్ట్ లుక్ ద్వారా రివీల్ చేయడం జరిగింది.
ఇక ఇప్పుడు రిలీజ్ చేసిన ఈ పాప ఫస్ట్ లుక్ ద్వారా కథ నేపథ్యం విషయంలో ఒక విషయం తెలుస్తుంది. సైంధవుడంటే మహాభారతంలో పాండవులను వారి సమస్త సైన్యాన్ని ఒక్కడే నిలబడి నిరోధించగల వీరుల్లో ఒకడు. అంటే ఈ సినిమాలో శత్రువులు ఎంతమందొచ్చినా తానొక్కడే ఉండి ఎదుర్కొంటాడని పేరు ద్వారానే చెప్పడం జరిగింది. కానీ అది ఎందుకోసం ఎవరికోసమో చెప్పలేదు.
కానీ ఇప్పుడు రిలీజ్ అయిన పాప ఫస్ట్ లుక్ లో వెంకటేష్ టీజర్ లో కనిపించిన లుక్ లోనే, మొహం మీద రక్తం కారుతున్న లుక్ లో పాపతో కలిసి ఉంది. దీన్నీ బట్టి సినిమాలో సైంధవ్ చేసే పోరాటం ఆ పాపకోసమేనని ట్రేడ్ పండితులు అంటున్నారు. ఇది నిజమో కాదో తెలియదు గాని సినిమా కోసం, వెంకటేష్ పవర్ ఫుల్ కమ్ బ్యాక్ కోసం వెంకీ అభిమానులతో పాటు, కామన్ ఆడియన్స్ సైతం ఎదురుచూస్తున్నారు. ఇక ఈ సినిమా 2023 క్రిస్మస్ కానుకగా డిసెంబర్ 22న విడుదల అవుతుంది.
For More Updates :
Check out Filmify for the latest Movie updates, Web Stories, and all the Entertainment News