Tollywood:
యంగ్& టాలెంటెడ్ హీరోయిన్ శ్రీ లీల గురించి ప్రత్యేకంగా పరిచయం అక్కర్లేదు. ఒక చిన్న సినిమాతో ఎంట్రీ ఇచ్చి ఒకే ఒక్క బ్లాక్ బస్టర్ సినిమాతో పది సినిమా ఆఫర్లు కొట్టేసిన టాలెంటెడ్ హీరోయిన్ ఈ ముద్దుగుమ్మ. బెంగుళూర్ కి చెందిన ఈ అమ్మాయి ఫ్యామిలీ బ్యాక్ గ్రౌండ్ తెలుగువాళ్లే కావడం వల్ల తెలుగు అనర్గళంగా మాట్లాడగలదు. ఆ ప్లస్ పాయింట్ తోనే వరుస ఆఫర్లు దక్కించుకున్న శ్రీ లీల ప్రస్తుతం ఏ హీరోయిన్ లేనంత బిజీగా ఉంది.
ఇక ఈ హీరోయిన్ నటిస్తున్న సినిమాల్లో భగవంత్ కేసరి కూడా ఒకటి. అయితే అందులో బాలకృష్ణ కూతురిగా నటించిందన్న సంగతి తెలిసిందే. హీరోయిన్ గా కాజల్ యాక్ట్ చేసింది. అయితే ఇండీస్ట్రీ లో చెల్లి, కూతురు పాత్రలు చేస్తే ఆ తర్వాత హీరోయిన్ గా అవకాశాలు రావడం తగ్గిపోతాయని కొందరి అభిప్రాయం. అలా కొంత మందికి జరిగింది కూడా.
అయితే ఇదే విషయం ఓ ఇంటర్వ్యూ లో శ్రీ లీలని అడిగితే, నాకు పాత్ర నచ్చింది కాబట్టి చేశాను, ఈ సినిమా నా కెరీర్ కి ప్లస్ అవుతుంది కానీ మైనస్ కాదు. గ్లామర్ ఛాన్స్ లు ఎప్పటికి వస్తాయి, కానీ యాక్టింగ్ కి స్కోప్ ఉన్న మూవీ ఛాన్స్ లు వచ్చినప్పుడు వదిలేయకూడదు అని చెప్పింది.
ఇక తాజాగా భగవంత్ కేసరి ట్రైలర్ కూడా రిలీజ్ అయ్యి మంచి రెస్పాన్స్ తెచ్చుకోగా, ఆ సినిమాలో కాజల్ కంటే కూడా శ్రీ లీలకే స్క్రీన్ స్పేస్ ఎక్కువ దక్కిందని తెలుస్తుంది. మరి శ్రీ లీల కెరీర్ కి భగవంత్ కేసరి సినిమా ఎంత వరకు ప్లస్ అవుతుందో రిలీజ్ అయ్యాక తెలుస్తుంది.
For More Updates :
Checkout Filmify for the latest Movie updates, Movie Reviews & Ratings, and all the Entertainment News