టాలీవుడ్ సీనియర్ బ్యూటీ శ్రియ శరన్ గురించి ప్రత్యేకంగా పరిచయం అవసరం లేదు. అందం, నటన, అభినయంతో ఎంతోమంది అభిమానులను సంపాదించుకుంది. పెద్దపెద్ద స్టార్ హీరోల సరసన నటించి మెప్పించింది ఈ ముద్దుగుమ్మ. శ్రియ ఇండస్ట్రీలోకి వచ్చి దాదాపు 20 ఏళ్లు పైనే అవుతున్న టాలీవుడ్ ఇండస్ట్రీలో తనదైన గ్లామర్ తో తెలుగు ఆడియన్స్ ను అలరిస్తూ మెప్పిస్తోంది. ఒకప్పుడు టాలీవుడ్ ఇండస్ట్రీలో ఈ అమ్మడు చేసిన హవా అంతా ఇంతా కాదు.
టాలీవుడ్ ఇండస్ట్రీ మొత్తంలో శ్రియ హవా కొన్ని సంవత్సరాల పాటు కొనసాగింది. అప్పట్లో ఈ అమ్మడుకున్న క్రేజ్ గురించి ప్రత్యేకంగా చెప్పనవసరం లేదు. క్రమక్రమంగా యంగ్ హీరోయిన్లు ఇండస్ట్రీలోకి రావడంతో ఈ అమ్మడికి అవకాశాలు కాస్తా తగ్గిపోయాయి. అవకాశాలు తగ్గిపోయినప్పటికీ ఈ అమ్మడు ఫిట్నెస్ విషయంలో అస్సలు రాజీ పడలేదు. అప్పటికి ఇప్పటికీ అదే అందం, ఫిట్నెస్ మెయింటైన్ చేస్తూ వస్తోంది.
ఇదిలా ఉండగా… శ్రియ ఓవైపు సినిమాల్లో నటిస్తూనే మరోవైపు 2018లో ఆండ్రి కొచ్చివ్ నీ వివాహం చేసుకుని ఓ బిడ్డకు తల్లయింది. ఓ బిడ్డకు తల్లి అయినప్పటికీ అదే సోయగంతో ప్రేక్షకులను అలరిస్తోంది. శ్రియ శరన్ కు 41 ఏళ్లు ఉన్నప్పటికీ ప్రతిరోజు జిమ్ కు వెలుతోందట. ముఖ్యంగా కార్డియో వ్యాయామం చేస్తుంది. శ్రియ తల్లి యోగ ఇన్ స్ట్రక్టర్. ఇక ఇంకేముంది ఈ ముద్దుగుమ్మకు కూడా యోగా గురించి బాగా తెలుసు అన్నమాట. అందుకే ఇంత వయసు వచ్చినప్పటికీ ఏమాత్రం అందం, ఫిట్నెస్ అస్సలు తగ్గడం లేదు.
ఈ బ్యూటీ ఎంత బిజీ లైఫ్ కొనసాగిస్తున్నప్పటికీ సోషల్ మీడియాలో యాక్టివ్ గా ఉంటూ తనకు సంబంధించిన విషయాలను షేర్ చేస్తూ ఉంటుంది. అంతేకాకుండా ఫోటోషూట్లు చేస్తూ ఆ ఫోటోలను అభిమానులతో పంచుకుంటూ ఉంటుంది. ఈ క్రమంలోనే తాజాగా శ్రీయ గోల్డ్ కలర్ శారీలో మెరిసింది. ఫుల్ వర్క్ బ్లౌజ్ వేసుకొని చీరలో చాలా సాంప్రదాయంగా కనిపించి అభిమానులకు కనువిందు చేసింది. ఈ ఫోటోను చూసిన అభిమానులు తెగ లైక్స్ కొడుతున్నారు.