Rashmika Rejected Movies : నేషనల్ క్రష్ రష్మిక మందన మలయాళ మూవీ కిరిక్ పార్టీతో సూపర్ క్రేజ్ ను సంపాదించుకుంది. ఆ తర్వాత ఈమె టాలీవుడ్ ఇండస్ట్రీ వైపు అడుగులు వేసింది. అందులో భాగంగా “ఛలో” అనే మూవీతో తెలుగు తెరకు పరిచయం అయ్యి మొదటి మూవీ తోనే అద్భుతమైన విజయాన్ని అందుకుంది. ఇక ఆ తర్వాత ఈమెకు గీత గోవిందం లాంటి మరో విజయం దక్కింది. ఈ సినిమా తర్వాత నుండి ఈమెకు తెలుగులో అదిరిపోయే రేంజ్ క్రేజ్ ఉన్న సినిమాలలో అవకాశాలు వచ్చాయి. ఇలా భారీ సినిమా అవకాశాలు రావడంతో ఈ బ్యూటీ తన తన కెరీయర్లో కొన్ని సినిమాలను కథ నచ్చక… మరికొన్నింటినీ సమయం కుదరక రిజెక్ట్ చేసింది. అలా రష్మిక తన కెరీర్లు రిజెక్ట్ ( Rashmika Rejected Movies ) చేసిన సినిమాలు ఏవో తెలుసుకుందాం.
మెగాస్టార్ చిరంజీవి హీరోగా రూపొందిన ఆచార్య మూవీలో మెగా పవర్ స్టార్ రామ్ చరణ్ ఓ కీలకమైన పాత్రలో నటించిన విషయం మనకు తెలిసిందే. ఈ మూవీలో చరణ్ కు జోడిగా పూజ హెగ్డే నటించింది. మొదట ఈ సినిమాలో పూజా హెగ్డే పాత్రలో రష్మికను అనుకున్నారట. అందులో భాగంగా ఈమెను మూవీ యూనిట్ సంప్రదించగా ఆ సమయంలో ఈ బ్యూటీ ఇతర మూవీలతో బిజీగా ఉండడంతో ఈ సినిమా రిజెక్ట్ చేసింది.
కోలీవుడ్ స్టార్ హీరో తలపతి విజయ్ మాస్టర్ అనే మూవీ హీరోగా నటించిన విషయం మనకు తెలిసిందే. ఇందులో మాళవిక మోహన్ హీరోయిన్ గా నటించింది. మొదట ఈ పాత్రకు రష్మికను సంప్రదించగా ఈమె ఈ సినిమాను రిజెక్ట్ చేసిందట.
ఇక ఆ తర్వాత విజయ్ “బీస్ట్” మూవీలో కూడా ఈ బ్యూటీ కి ఛాన్స్ ఇవ్వగా ఈమె రెండవ సారి కూడా విజయ్ ఆఫర్ ను రిజెక్ట్ చేసింది.
నాని హీరోగా రూపొందిన అంటే సుందరానికి మూవీలో హీరోయిన్గా మొదట అవకాశం ఈ ముద్దుగుమ్మనే వరించింది. కాకపోతే ఆ సమయంలో ఈ బ్యూటీ ఫుల్ బిజీగా ఉండడంతో ఈ మూవీ ని కూడా రిజెక్ట్ చేసింది.
అలాగే బంగార్రాజు మూవీలో ముందు చైతన్యకు జోడిగా ఈమెని అనుకున్నారట. కాకపోతే పాత్రకు పెద్దగా స్కోప్ ఉండదేమో అనే ఉద్దేశంతో ఈ బ్యూటీ ఈ సినిమాను రిజెక్ట్ చేసిందట.
మహాసముద్రం మూవీ లో సిద్ధార్థ్ కి జోడిగా ఈ బ్యూటీనే మూవీ యూనిట్ అనుకోగా ఈమె కథ మొత్తం విని ఇందులో రొమాన్స్ సన్నివేశాలు ఎక్కువగా ఉన్నాయి అని ఈ సినిమాని రిజెక్ట్ చేసిందట.
హిందీలో కిరాక్ పార్టీ రీమిక్ లో కూడా మొదట రష్మీకనే అనుకున్నారట. కానీ ఈమె అందులో నటించను అని చెప్పడంతో ఇందులో కృతి సనన్ ను హీరోయిన్గా ఎంచుకున్నారు.
హిందీ జెర్సీ లో మొదట ఈ ముద్దుగుమ్మనే హీరోయిన్గా మూవీ యూనిట్ అనుకుందట. అందులో భాగంగా ఈమెను సంప్రదించగా ఇందులో తన పాత్రకు ముద్దు సన్నివేశాలు ఎక్కువగా ఉన్నాయి అని ఈమె ఈ సినిమాను రిజెక్ట్ చేసినట్లు తెలుస్తోంది.
ఈ మూవీల తో పాటు మెగా పవర్ స్టార్ రామ్ చరణ్ హీరోగా రూపొందుతున్న గేమ్ ఛేంజర్ సినిమాలో కూడా మొదట ఈ బ్యూటీ నే హీరోయిన్గా అనుకున్నారట. అందులో భాగంగా ఈమెకు ఫుల్ స్క్రిప్ట్ను వినిపించగా కథ సూపర్ గా ఉన్నప్పటికీ ఈ మూవీకి సమయం ఎక్కువ కేటాయించవలసి వస్తుంది అని ఉద్దేశంతో ఈ సినిమాలను రిజెక్ట్ చేసిందట.
ఇక బాలీవుడ్ బ్లాక్ బస్టర్ మూవీ గంగుబాయి కథియవాడి మూవీలో ప్రధాన పాత్రలో ఈ సినిమా దర్శకుడు సంజయ్ లీలా బంసాలి మొదట ఈమెనే అనుకున్నారట. కాకపోతే ఈ మూవీ సమయంలో ఈమెకు వేరే సినిమాలు ఉండడం ఈ మూవీ లేడీ ఓరియంటెడ్ సినిమా కావడంతో చాలా రోజులు సమయాన్ని కేటాయించవలసి వస్తుంది అనే ఉద్దేశంతో ఈ మూవీని ఈ బ్యూటీ రిజెక్ట్ చేసినట్లు తెలుస్తోంది.
ఇలా రష్మిక తన కెరియర్ లో ఇప్పటివరకు చాలా సినిమాలను రిజెక్ట్ చేసింది.