అనుష్క శెట్టి చాలా రోజుల తర్వాత నటిస్తున్న చిత్రం “మిస్ శెట్టి మిస్టర్ పోలిశెట్టి”. ఈ సినిమాలో నవీన్ పొలిశెట్టి హీరోగా నటిస్తున్నాడు. 2020 లో వచ్చిన నిశ్శబ్దం తర్వాత మరో సినిమా చేయలేదు అనుష్క. ఇప్పుడు మూడేళ్ళ గ్యాప్ తర్వాత ఈ సినిమా తో పలకరించబోతుంది అనుష్క శెట్టి. ఇటు నవీన్ పొలిశెట్టి కూడా జాతి రత్నాలు సినిమా తర్వాత మరో సినిమా చేయలేదు. అయితే అనుష్క శెట్టి నవీన్ పొలిశెట్టి కలిసి సినిమా చేస్తారని ఎవ్వరూ ఊహించలేదు. కానీ ఈ కాంబినేషన్ సెట్ అయింది. వెరైటీ గా అదే ఈ సినిమాకు ప్లస్ కూడా అయింది. అంతే కాదు అనుష్క తన కంటే ఎనిమిదేళ్లు చిన్నవాడైన హీరోతో నటిస్తుండటం విశేషం.
తాజాగా ఏప్రిల్ 29 న మిస్ శెట్టి మిస్టర్ పోలిశెట్టి మూవీ కి సంబంధించిన టీజర్ విడుదలయింది. అయితే 6 గంటలకి విడుదల అవ్వాల్సిన ఈ టీజర్ డిలే అయ్యి రాత్రి తొమ్మిది గంటలకు రిలీజ్ అయ్యింది. అయినా కూడా టీజర్ కేవలం 9 గంటల్లోనే 1 మిలియన్ వ్యూస్ అందుకోవడం విశేషం. ఈ సినిమాలో ఒక ప్రొఫెషనల్ చెఫ్ గా కనిపిస్తుంది అనుష్క శెట్టి. ఇక నవీన్ పొలిశెట్టి స్టాండప్ కమెడియన్ గా ఈ సినిమాలో నటించాడు. టీజర్ మొత్తం నవీన్ పొలిశెట్టి ఫ్రెష్ కామెడీ తో నవ్వులు పోయించాడు. అనుష్క పాత్ర డీసెంట్ గా ఉంది. సినిమా లో సెట్టింగ్ లు, లొకేషన్ల జోలికి పోకుండా సింపుల్ గా తీసినట్లు ఉంది. ఈ జనరేషన్ లో ఇలాంటి సినిమాలకి మంచి డిమాండ్ ఉంది. ఓవరాల్ గా టీజర్ తో మాత్రం ఒక్కసారిగా మంచి హైప్ వచ్చిందనే చెప్పాలి.
మిస్ శెట్టి మిస్టర్ పొలిశెట్టి సినిమాను P. మహేష్ బాబు అనే కొత్త దర్శకుడు తెరకెక్కించగా యూవీ క్రియేషన్స్ బ్యానర్ లో వంశీ ప్రమోద్ కలిసి నిర్మించారు. రాధన్ ఈ సినిమాకు మ్యూజిక్ అందించగా సమ్మర్ లో మూవీ విడుదలకు సిద్ధం అవుతుంది.
For More Updates :
Check out Filmify for the latest Movie updates, Movie Reviews, Ratings and all the Entertainment News