Tiger Nageswara Rao latest update
మాస్ మహా రాజ్ హీరోగా వస్తోన్న లేటెస్ట్ సినిమా టైగర్ నాగేశ్వర రావు గురించి అందరికి తెలిసిందే. భారీ బడ్జెట్ తో పాన్ ఇండియా సినిమాగా తెరకెక్కుతున్న ఈ సినిమా ప్రస్తుతం శర వేగంగా షూటింగ్ జరుపుకుంటుంది. డైరెక్టర్ వంశీ తెరకెక్కిస్తున్న ఈ సినిమా నుంచి టీజర్ అప్డేట్ ను కాసేపటి క్రితం ఫ్యాన్స్ తో షేర్ చేసుకుంది మూవీ యూనిట్.
అభిషేక్ అగర్వాల్ ఆర్ట్స్ బ్యానర్పై అభిషేక్ అగర్వాల్ ప్రతిష్టాత్మకంగా నిర్మిస్తున్న ఈ సినిమాలో రవితేజ సరసన నుపూర్ సనన్, గాయత్రీ భరద్వాజ్ హీరోయిన్స్ గా నటిస్తున్నారు. పవన్ కళ్యాణ్ భార్య రేణు దేశాయ్ టైగర్ నాగేశ్వర రావు సినిమాలో కీలక పాత్రలో కనిపించబోతుంది. జివి ప్రకాష్ కుమార్ మ్యూజిక్ అందిస్తున్న ఈ సినిమా దసరా కానుకగా అక్టోబర్ 20న విడుదల చేయనున్నారు.
గతంలో ఈ సినిమాకు సంబంధించి రిలీజ్ చేసిన పోస్టర్స్ ప్రేక్షకులను బాగా ఆకట్టుకోగా ఈ సినిమాకు సంబంధించి ఒక సాలిడ్ అప్డేట్ ఈ రోజు సాయంత్రం 4 గంటలకు రివీల్ చేయనున్నట్టు మూవీ టీం ప్రకటించింది. సువర్ట్ పురం దొంగ గా పేరుగాంచిన టైగర్ నాగేశ్వర రావు జీవితం ఆధారంగా ఈ సినిమాను తెరకెక్కిస్తున్నారు మేకర్స్. భారీ అంచనాల మధ్య రూపుదిద్దుకుంటున్న ఈ సినిమాను అన్ని భాషల్లోనూ గ్రాండ్ రిలీజ్ చేయడానికి ప్లాన్ చేస్తున్నారు. ఇటీవలనే రవితేజ నటించిన రావణాసుర సినిమా ఫ్లాప్ అవడంతో, టైగర్ నాగేశ్వర రావు సినిమాతో ఎలాగైనా సాలిడ్ హిట్ కొట్టాలని రవితేజ ఈ సినిమా విషయంలో చాలా జాగ్రత్తగా వ్యవహరిస్తున్నట్టు సమాచారం.
Check Filmify for the most recent movies news and updates from all Film Industries. Also get latest tollywood news, new film updates, Bollywood Celebrity News & Gossip at filmify