యంగ్ రెబెల్ స్టార్ ప్రభాస్ పుట్టిన రోజు సందర్భంగా ఆయన గత సూపర్ హిట్ చిత్ర మొకటి రీ- రిలీజ్ అవడానికి రెడీ అవుతుంది. టాలీవుడ్ లో ఇటీవలనే స్టార్ట్ అయిన రీ- రిలీజ్ ట్రెండ్ ను ప్రేక్షకులు అమితంగా ఆదరిస్తుండగా మేకర్స్ కూడా సినిమాల రీ- రిలీజ్ విషయంలో ఆలోచించకుండా 4k మాస్టరింగ్ తో థియేటర్స్ లో రిలీజ్ చేస్తున్నారు. ఇక ఒరిజినల్ సినిమా రిలీజ్ కలెక్షన్స్ మించేలా స్టార్ హీరోల సినిమాలు రీ- రిలీజ్ అయ్యి, సరికొత్త రికార్డ్స్ ను క్రియేట్ చేస్తున్నాయి.
ఇక ఈ ట్రెండ్ లో భాగంగా ఇప్పటికే ప్రభాస్ గత చిత్రాలైన రెబెల్, వర్షం, యోగి, బిల్లా సినిమాలు రీరిలీజ్ అయ్యి ఆయన ప్రేక్షకులను ఎంటర్టైన్ చేయగా. లేటెస్ట్ గా ప్రభాస్ మరో చిత్రం రీ- రిలీజ్ కు రెడీ అవుతోంది. అయితే ఆ సినిమా మరేదో కాదు.. ప్రభాస్, రాజమౌళి కాంబినేషన్ లో వచ్చిన సూపర్ హిట్ సినిమా ఛత్రపతి.
అక్టోబర్ 23 న ప్రభాస్ పుట్టినరోజు వస్తోన్న సందర్భంగా ఛత్రపతి సినిమాను రీ- రిలీజ్ చేయడానికి మేకర్స్ సన్నాహాలు చేస్తున్నారని సమాచారం అందుతోంది. 2005 లో రిలీజైన ఈ ఛత్రపతి సినిమా అప్పట్లో బాక్స్ ఆఫీస్ వద్ద సంచలన విజయాన్ని సాధించి, ప్రభాస్ కెరీర్ లోనే మైలు రాయిగా నిలిచింది. ఇక అంతటి ఘన విజయాన్ని సాధించిన ఈ సినిమా మళ్ళీ రీ- రిలీజ్ అవడం ప్రభాస్ అభిమానులకు గుడ్ న్యూస్ అనే చెప్పాలి.
Check out Filmify for the latest Tollywood Movie updates, Movie Reviews, Ratings, and all the Entertainment News Updates in Bollywood and Celebrity News & Gossip from all Film Industires.