మలయాళ స్టార్ దుల్కర్ సల్మాన్ వరుస సినిమాలతో దూసుకుపోతున్నాడు. గత ఏడాది సీతారామం సినిమాతో బ్లాక్ బస్టర్ హిట్ కొట్టిన దుల్కర్ సల్మాన్ ప్రస్తుతం మలయాళం లో “కింగ్ అఫ్ కోత్త” అనే సినిమా చేస్తున్నాడు. అభిలాష్ జోషి దర్శకత్వం వహిస్తున్న ఈ సినిమాను జీ స్టూడియోస్, వే ఫారెర్ ఫిల్మ్స్ నిర్మాణ సంస్థలు సంయుక్తంగా నిర్మిస్తున్నాయి. రీసెంట్ గా రిలీజ్ అయిన ఈ సినిమా ఫస్ట్ లుక్ టీజర్ భారీ రెస్పాన్స్ ని దక్కించుకుంది.
ఈ సినిమాలో దుల్కర్ ఒక డాన్ గా నటిస్తున్నాడని టీజర్ ద్వారా తెలుస్తుంది. ఎక్కువగా ప్రేమ కథలు చేసే దుల్కర్ నుంచి ఈ రేంజ్ మాస్ సినిమా వస్తుండడంతో దుల్కర్ ఫ్యాన్స్ చాలా ఆసక్తిగా ఈ సినిమా కోసం వెయిట్ చేస్తున్నారు. టీజర్ ని గమనిస్తే కెజిఎఫ్ రేంజ్ లో ఎలివేషన్ ఇచ్చినట్టు తెలుస్తుంది. ముఖ్యంగా బ్యాక్ గ్రౌండ్ మ్యూజిక్ అదిరిపోయింది. కింగ్ అఫ్ కోత 80స్ బ్యాక్ డ్రాప్ లో తెరకెక్కుతుందని సమాచారం. ఇక ఈ సినిమాలో ఐశ్వర్య లక్ష్మి హీరోయిన్ గా నటిస్తుంది.
50కోట్ల భారీ బడ్జెట్ తో తెరకెక్కుతున్న ఈ సినిమాపై భారీ అంచనాలున్నాయి. టీజర్ కి వచ్చిన రెస్పాన్స్ ని బట్టి ఈ సినిమా మలయాళం లో భారీ వసూళ్లు సాధించే అవకాశం ఉందని తెలుస్తుంది. టాక్ బాగుంటే ఇండస్ట్రీ హిట్ కూడా కావొచ్చని ట్రేడ్ విశ్లేషకులు అంటున్నారు. టీజర్ కి వచ్చిన రెస్పాన్స్ చూసాక ఈ సినిమాను పాన్ ఇండియా వైడ్ గా ఇతర భాషల్లోనూ రిలీజ్ చేయాలనీ చిత్ర యూనిట్ భావిస్తుంది. ఇక ఈ సినిమాను 25 ఆగస్ట్ న విడుదల చేయడానికి సిద్ధం చేస్తున్నారు.
For More Updates :
Check out Filmify for the latest Movie updates, Movie Reviews, Ratings and all the Entertainment News