Raj tarun new movie
ప్రస్తుతం మనం సోషల్ మీడియా జమానాలో బ్రతుకుతున్నాం. ఏ పని చేసినా ఒకటికి రెండుసార్లు ఆలోచించుకొని చేయాలి. ముఖ్యంగా సినీ సెలబ్రిటీలు ఈ విషయంలో ఇంకాస్త జాగ్రత్తగానే ఉండాలి. లేదంటే ట్రోలర్స్ బారిన పడ్డట్టే. ప్రస్తుతం సీనియర్ దర్శకుడు ఏ.ఎస్ రవికుమార్ ఇలాంటి పరిస్థితినే ఎదుర్కొంటున్నాడు. ఈ దర్శకుడు బాలకృష్ణతో వీరభద్ర, గోపీచంద్ తో యజ్ఞం, సాయిధరమ్ తేజ్ తో పిల్ల నువ్వు లేని జీవితం వంటి సినిమాలకు దర్శకత్వం వహించాడు.
ఇప్పుడు రాజ్ తరుణ్ తో “తిరగబడరా సామి” అనే సినిమాని తెరకెక్కించారు. ఈ చిత్రానికి మల్కాపురం శివకుమార్ నిర్మాత. ఈ చిత్రంలో రాజ్ తరుణ్ సరసన మాల్వి మల్హోత్రా హీరోయిన్ గా నటించింది. మకరంద్ దేశ్ పాండే విలన్ పాత్రలో నటించారు. అలాగే మన్నారా చోప్రా ఓ కీలక పాత్రలో నటించింది. అయితే ఇటీవల ఈ సినిమాకు సంబంధించిన టీజర్ ని రిలీజ్ చేశారు. ఈ ఈవెంట్ లో హీరోయిన్ మన్నార చోప్రాకు మీడియా ముందే ముద్దు పెట్టారు దర్శకుడు రవికుమార్ చౌదరి.
దీంతో ఈ వీడియో ఇప్పుడు సోషల్ మీడియాలో వైరల్ గా మారింది. ఈ షాకింగ్ ఘటనకు ఎలా రియాక్ట్ అవాలో తెలియక మన్నారా చోప్రా నవ్వుతూ కవర్ చేసినట్లుగా అనిపించింది. ఈ వీడియో సోషల్ మీడియాలో వైరల్ గా మారడంతో నెటిజెన్లు పలు రకాలుగా స్పందిస్తున్నారు. ముసలోడే కానీ మహానుభావుడు అని కొంతమంది కామెంట్ చేయగా.. ఇవేం పనులు అని కొంతమంది మండిపడుతున్నారు.
Check out Filmify for the latest Tollywood Movie updates, Movie Reviews, Ratings, and all the Entertainment News Updates in Bollywood and Celebrity News & Gossip from all Film Industires.