యంగ్ హీరో నితిన్ నటిస్తున్న లేటెస్ట్ మూవీ “మాచర్ల నియోజకవర్గం”. గతేడాది “మాస్ట్రో” ‘”చెక్”, “రంగ్ దే” సినిమాలు నిరాశపరచడంతో.. ఈసారి ఎలాగైనా హిట్ కొట్టాలని కసితో ఉన్నాడు నితిన్. అందుకే డిఫరెంట్ కాన్సెప్ట్ తో పొలిటికల్ డ్రామా మూవీని ఎంచుకున్నాడు. ఈ చిత్రంలో ఉప్పెన ఫేమ్ కృతి శెట్టి హీరోయిన్ గా నటిస్తోంది. ఈ సినిమాలో నితిన్ ఐఏఎస్ అధికారి పాత్రలో నటిస్తున్నారు. అలాగే మరో హీరోయిన్ గా కేథరిన్ నటిస్తోంది. నితిన్ సొంత బ్యానర్ శ్రేష్ట్ మూవీస్ ఈ సినిమాను తెరకెక్కిస్తోంది. ఈ సినిమాను కొత్త దర్శకుడు ఎమ్మెస్ రాజశేఖర్ రెడ్డి తెరకెక్కిస్తున్నారు. ఈ చిత్రం నుండి ఇప్పటికే విడుదల అయిన ప్రచార చిత్రాలకి, పాటలకు, టీజర్, ట్రైలర్ కి అభిమానుల నుంచి మంచి స్పందన వచ్చింది.
ఈ చిత్రం ఆగస్టు 12న ప్రేక్షకుల ముందుకు రానుంది. మూవీ మేకర్స్ ప్రమోషన్ కార్యక్రమాలు మొదలుపెట్టేశారు. ఈ క్రమంలో మేకర్స్ వరుస అప్ డేట్లతో ప్రేక్షకులలో క్యూరియాసిటీని పెంచుతున్నారు. ఈ చిత్రం నుంచి ఇప్పటికే విడుదలైన ” రా రా రెడ్డి”, “అదిరిందే” పాటలు ప్రేక్షకులను విపరీతంగా ఆకట్టుకున్నాయి. తాజాగా మేకర్స్ ఈ చిత్రం నుంచి మరో పాటని రిలీజ్ చేశారు. ” పోరి సూపరో ” అంటూ సాగే మాస్ బీట్ వీడియో సాంగ్ ని విడుదల చేశారు. మహతి స్వర సాగర్ సంగీతమందించిన ఈ పాటను రాహుల్ సిప్లిగంజ్, గీతా మాధురి ఆలపించారు. కృష్ణ కాంత్ సాహిత్యం అందించారు.
ఈ పాటలో బేబమ్మ నడుము అందాలతో కనువిందు చేసింది. నితిన్, కృతి శెట్టి కలిసి వేసిన సిగ్నేచర్ స్టెప్స్ ఆకట్టుకుంటున్నాయి. మరి ఈ సినిమా నితిన్ కెరీర్ లో ఎలాంటి విజయాన్ని అందుకుంటుందో తెలియాలంటే ఆగస్టు 12 వరకు ఆగాల్సిందే.