సౌత్ ఇండియన్ సినిమా గురించి ఇప్పుడు ప్రత్యేకంగా చెప్పాల్సిన అవసరం లేదు. ట్రిపుల్ ఆర్ , పుష్ప, కేజిఫ్ లాంటి సినిమాలు సౌత్ సినిమా సత్తాను చాటాయి. అనేక భారీ బడ్జెట్ బాలీవుడ్ చిత్రాలు ఇటీవల బాక్సాఫీస్ వద్ద తీవ్రంగా ప్రయత్నించినప్పటికీ అవి విఫలమయ్యాయి.
తాజాగా రిలీజై ప్రశంసలు తో పాటు మంచి కలక్షన్స్ సాధిస్తున్న చిత్రం కార్తికేయ-2. మాములుగా హిందీలో విడుదలైన కార్తికేయ-2 చిత్రం అతిపెద్ద విజయాన్ని సాధించింది.
కార్తికేయ 2, 2014 లో వచ్చిన కార్తికేయకు సీక్వెల్‌గా వచ్చింది, మొదటి రోజు కేవలం 50 స్క్రీన్‌లలో మాత్రమే విడుదలైంది, అయితే సానుకూల మౌత్ టాక్ కారణంగా అది పెరుగుతూనే ఉంది మరియు ఇప్పుడు హిందీలో రూ. 25 కోట్లకు పైగా వసూలు చేసింది. అన్నింటికంటే మించి, ప్రపంచవ్యాప్తంగా, ఈ చిత్రం రూ. 100 కోట్లకు పైగా వసులు చేసి భారీ బ్లాక్‌బస్టర్‌గా నిలిచింది.
ఈ చిత్రం బాక్సాఫీస్ వద్ద గోల్డెన్ రన్‌ను కొనసాగిస్తున్నందున, కార్తికేయ దర్శకుడు చందూ మొండేటిని చాలా మంది కొత్త పాన్-ఇండియా దర్శకుడిగా ప్రచారం చేశారు.అలానే దర్శకుడు చందు కోసం బాలీవుడ్ కూడా క్యూ కడుతున్నట్లు తెలుస్తోంది.
అన్నింటిని మించి, దర్శకధీరుడు రాజమౌళి ఇటీవల ఒక ఇంటర్వ్యూలో కార్తికేయ 2ని ప్రశంసించారు. కార్తికేయ-2 ను ప్రతిష్టాత్మక చిత్రాలైన బాహుబలి, KGF2 మరియు పుష్పతో పోల్చారు. ప్రముఖ దర్శకుడి నుండి అలాంటి ప్రకటన రావడం చందూ మొండేటికి పాన్-ఇండియా గుర్తింపు కంటే ఎక్కువ.
అలాగే కార్తికేయ 2తో, పాన్-ఇండియాలో కంటెంట్ మాత్రమే వర్కౌట్ అవుతున్నట్లు స్పష్టంగా తెలుస్తుంది. అమీర్, అక్షయ్ లాంటి బాలీవుడ్ స్టార్లు కూడా ప్రేక్షకులను థియేటర్లకు రప్పించడంలో విఫలమవుతున్నారు. కానీ కార్తికేయ 2 భారీ ప్రమోషన్లు లేకపోయినా మంచి హిట్ అయ్యింది. ఈ సక్సెస్ తో దర్శకుడు చందు మొండేటి పాన్ ఇండియా దర్శకుల జాబితాలో చేరాడు అని చాలామంది సినీ ప్రముఖుల అభిప్రాయం.