బాలీవుడ్ ఇండ‌స్ట్రీలో ఎక్కువ ఫాలోయింగ్ ఉన్న హీరోల లీస్ట్ లో ఫస్ట్ ప్లేస్ అమీర్ ఖాన్ దే ఉంటుంది. తన 30 ఏళ్ల సినీ కెరీర్ లో చాలా హిట్ సినిమాల‌ను బాలీవుడ్ కు అందించాడు. క‌లెక్ష‌న్స్ ప‌రంగా టాప్ 5లో మూడు సినిమాలు అమీర్ ఖాన్ వే. 2016లో రిలీజ్ అయిన దంగ‌ల్ రూ. 2,000 కోట్లు క‌లెక్ల‌న్లు రాబ‌ట్టి ఫస్ట్ ప్లేస్ లో ఉంది. బాలీవుడ్ సినిమా రూ. 2,000 కోట్ల మార్క్ ను అందుకోవ‌డం ఇదే తొలిసారి. దీని త‌ర్వాత సీక్రెట్ సూప‌ర్ స్టార్ థ‌ర్డ్ ప్లెస్‌లో, పీకే ఫోర్త్ ప్లేస్ ల‌ను ద‌క్కించుకున్నాయి. రెండు, ఐదు స్థానంల్లో సల్మాన్ ఖాన్ న‌టించిన బ‌జరంగీ భాయిజాన్, సుల్తాన్ సినిమాలు ఉన్నాయి.
బాలీవుడ్ లో సినిమాలు ఎన్ని వ‌చ్చినా.. దంగ‌ల్ రికార్డును మాత్రం బ్రేక్ చేయ‌లేక‌పోతున్నాయి. బీ టౌన్ లో షారుఖ్ ఖాన్, అక్ష‌య్ కుమార్, సల్మాన్ ఖాన్, హృతిక్ రోష‌న్ వంటి దిగ్గజ హీరోల సినిమాలు కూడా దంగ‌ల్ రికార్డు ద‌గ్గ‌ర్లోకి రాలేక‌పోయాయి. ప్ర‌స్తుతం బాలీవుడ్ లో దంగ‌ల్ రికార్డును బీట్ చేసే హీరో ఎవ‌రు అనే క్వశ్చ‌న్ వ‌స్తుంది. దీనికి సినీ ఫ్యాన్స్, క్రిటిక్స్ నుంచి ఒకే స‌మాధానం వ‌స్తుంది. దంగ‌ల్ సినిమా రికార్డును బ్రేక్ చేయ‌డం అమీర్ ఖాన్ లాల్ సింగ్ చ‌ద్ధా కే సాధ్యం అవుతుంద‌ని అంచ‌నా వేస్తున్నారు.
కాగ అమీర్ ఖాన్.. లాల్ సింగ్ చ‌ద్ధా అనే సినిమాలో టైటిల్ రోల్ చేస్తున్నాడు. హీరోయిన్ గా కరీనా క‌పూర్ న‌టిస్తుంది. ఈ సినిమాను అద్వైత్ చంద‌న్ డైరెక్ట్ చేస్తున్నాడు. రూ. 180 కోట్ల భారీ బ‌డ్జెట్ తో తెర‌కెక్కుతున్న ఈ సినిమాను అమీర్ ఖాన్ ప్రొడ‌క్ష‌న్స్, వ‌యాకామ్ 18 స్టూడియోస్, పారామౌంట్ పిక్చ‌ర్స్ సంయుక్తంగా ప్రొడ్యూస్ చేస్తున్నాయి. అలాగే అక్కినేని నాగ చైత‌న్య ఈ సినిమాతో బీ టౌన్ లోకి ఎంట్రీ ఇస్తున్నాడు. ఆగ‌స్టు 11న రిలీజ్ కాబోయే ఈ సినిమా దంగ‌ల్ రికార్డుల‌ను బీట్ చేస్తుందో లేదో చూడాలి మ‌రి.