సినిమా ఇండస్ట్రీలో వన్ ఆఫ్ ద క్యూట్ కపుల్ గా పేరు సంపాదించుకున్న నయనతార – విగ్నేష్ శివన్ ల జంట ఎంత చూడముచ్చటగా ఉంటుందో ప్రత్యేకంగా చెప్పనక్కర్లేదు. నయనతార – విగ్నేష్ ప్రేమించి పెళ్లి చేసుకున్న విషయం తెలిసిందే. 2017లో “నానుమ్ రౌడీ థాన్” సినిమా సెట్స్ లో తొలిసారి విగ్నేష్ – నయన్ కలుసుకున్నారు. ఈ సినిమా షూటింగ్ సమయంలోనే వీరిద్దరి మధ్య ప్రేమ చిగురించింది.
ఆ తర్వాత చాలా కాలం పాటు డేటింగ్ చేసి.. 2021 లో నయనతారకు నిశ్చితార్థ ఉంగరం తొడిగారు విగ్నేష్. ఇక 2022 జూన్ 9న మహాబలిపురం దగ్గరలోని ఓ రిసార్ట్ లో పెద్దల సమక్షంలో సాంప్రదాయబద్ధంగా వివాహం చేసుకున్నారు. అనంతరం సరోగసి ద్వారా 2022 అక్టోబర్ 9న కవల మగ పిల్లలను పొందారు. ఇదిలా ఉంటే.. నయనతార ప్రజెంట్ నటిస్తున్న సినిమా జవాన్. స్టార్ డైరెక్టర్ అట్లీ తెరకెక్కించిన ఈ చిత్రంలో బాలీవుడ్ బాద్షా షారుఖ్ ఖాన్ హీరోగా నటించారు. అయితే ఇటీవల విడుదలైన జవాన్ ప్రివ్యూ ఇంటర్నెట్ ని షేక్ చేస్తోంది. ఈ క్రమంలో నయనతార భర్త విగ్నేష్.. సోషల్ మీడియా వేదికగా జవాన్ మూవీ టీమ్ కి విషెస్ తెలుపుతూ ఓ నోట్ షేర్ చేశాడు.
అయితే ఈ స్పెషల్ నోట్ కి షారుఖ్ ఖాన్ రిట్వీట్ చేస్తూ రిప్లై ఇచ్చాడు. “విగ్నేష్ శివన్ మా సినిమాపై చూపించిన ప్రేమకు ధన్యవాదాలు. నయనతార చాలా టాలెంటెడ్ యాక్టర్స్. అయితే నేను మాత్రం మీకు ఓ విషయం చెప్పాలనుకుంటున్నాను. నేను ఇప్పుడు చెప్పబోయేది మీకు ముందే తెలుసు అనుకుంటా..! కానీ జాగ్రత్త. ఆమె ఇప్పుడు కొన్ని భారీ కిక్స్, పంచ్ లు నేర్చుకుంది. సో జాగ్రత్తగా ఉండు బ్రదర్” అని ఫన్నీగా విగ్నేష్ శివన్ కి వార్నింగ్ ఇచ్చాడు.
For More Updates :
Checkout Filmify for the latest Movie updates, Movie Reviews & Ratings, and all the Entertainment News