బిగ్ బాస్ సీజన్ 7 లో ఆట రసవత్తరంగా తయారయ్యింది. ఈ సీజన్లో వైల్డ్ కార్డు కంటెస్టెంట్స్ ఎంట్రీ తర్వాత షో లో చాలా మార్పులు చోటుచేసుకున్నాయి. కొత్త కంటెస్టెంట్ అంబటి అర్జున్ తన ఆటతో పాత హౌస్ మేట్స్ కి టఫ్ కాంపిటేషన్ ఇవ్వడమే గాక, ఈ వారం ఏకంగా కెప్టెన్ బ్యాడ్జ్ కూడా గెలుచుకున్నాడు.
అయితే ఈ వారం నామినేషన్ లో భాగంగా కంటెస్టెంట్స్ మధ్యలో చాలా వాగ్వాదం జరిగింది. ముఖ్యంగా భోలే, శోభా శెట్టి మధ్యలో గొడవ గట్టిగానే జరిగింది. ఈ వాగ్వాదంలో భాగంగా భోలే ఆవేశంతో శోభని నీకు ఎర్రగడ్డే దిక్కు అని మాట తూలాడు. అంటే తనకి పిచ్చి పట్టింది అన్న ఉద్దేశంలో అన్నాడు. ఈ మాటకి చాలా హర్ట్ అయ్యింది శోభ.
ఆ తర్వాత శోభని క్షమించమని భోలే అన్నా, తాను వినలేదు. తాజాగా నాగార్జున ముందే మరోసారి క్షమాపణలు కోరినా, తాను మాత్రం ఈ విషయంలో క్షమించేది లేదని తేల్చి చెప్పింది. దాంతో నాగార్జున కూడా భోలే కి గట్టి వార్నింగ్ ఇచ్చి ఇకనైనా జాగ్రత్తగా ఆడమని చెప్పాడు. ఆ తర్వాత కూడా భోలే మరోసారి సారీ చెప్తే, తాను బిగ్ బాస్ బయటికి వెళ్లినా కూడా ఈ విషయంలో వెనక్కి తగ్గేది లేదని తేల్చి చెప్పింది. మరి బిగ్ బాస్ లో శోభా, భోలే ఉన్నన్ని రోజులు, వీళ్ళ మధ్య ఎలాంటి రభస జరుగుతుందో తెలీదు గాని, ఆడియన్స్ కి మాత్రం ఎంటర్టైన్మెంట్ గ్యారెంటీ.
Check out Filmify for the latest Tollywood Movie updates, Movie Reviews, Ratings, and all the Entertainment News Updates in Bollywood and Celebrity News & Gossip from all Film Industires.