ప్రముఖ డైరెక్టర్ మరియు రచయిత వివేక ఆత్రేయ దర్శకత్వంలో.. నాని హీరోగా.. డీవీవీ దానయ్య నిర్మాణం లో రెండవసారి తెరకెక్కుతున్న చిత్రం సరిపోదా శనివారం.. ఇప్పటికే ఈ కాంబినేషన్లో “అంటే సుందరానికి” సినిమా వచ్చి పర్వాలేదు అనిపించుకుంది. ఇప్పుడు మళ్ళీ ఈ సినిమాతో త్వరలోనే ప్రేక్షకుల ముందుకు రానున్నారు.. ఇదిలా ఉండగా తాజాగా ఈ సినిమా నుంచి గ్లింప్ రిలీజ్ చేయగా.. అది బాగా వైరల్ అవుతోంది.
ఇకపోతే ఈ సినిమా నుంచి ఫస్ట్ గ్లింప్ ను తాజాగా ఉదయం 11 గం. 59 ని. లకు రిలీజ్ చేశారు.. అయితే నిన్న ఈ విషయాన్ని తెలియజేస్తూ నాని షాడో లుక్ లో ఉన్న పిక్ ని కూడా రిలీజ్ చేశారు.. తాజాగా విడుదల చేసిన గ్లింప్ తో సినిమా పై అంచనాలు పెంచేసింది చిత్ర బృందం.. మరీ ఆ గ్లింప్ ప్రేక్షకులను ఎలా ఆకట్టుకుంటోందో ఇప్పుడు చూద్దాం.
ఇకపోతే ఈరోజు నేచురల్ స్టార్ నాని పుట్టినరోజు సందర్భంగా చిత్ర బృందం ఈ గ్లింప్ రిలీజ్ చేసింది. ఇక ఈ గ్లింప్ విషయానికి వస్తే.. “కోపం ఒక్కొక్కరిలో ఒక్కో విధంగా ఉంటుంది .. అయితే ఆ కోపాన్ని కూడా చూపించే విధానంలో ఒక నియమ నిబద్ధత ఉంటుంది.. అందులోనూ వారంలో ఒక్కరోజు మాత్రమే కోపాన్ని చూపించే పిచ్చి నా కొడుకుని మీరు ఎప్పుడైనా చూసారా” అంటూ గ్లింప్ స్టార్ట్ అవుతుంది.
ఇది చూసినంత సేపు ఇందులో యాక్షన్ ఎలివేషన్ తో కూడిన సన్నివేశాలు ప్రేక్షకులను విపరీతంగా ఆకట్టుకునేలా కనిపిస్తున్నాయి.. ఇందులో నాని మాస్ లుక్ లో ప్రేక్షకులను బాగా ఆకట్టుకబోతున్నారు ముఖ్యంగా ఈ సినిమా దసరా మూవీ లెవెల్ లో భారీ విజయాన్ని సొంతం చేసుకుంటుందని అభిమానులు ఆశాభావం వ్యక్తం చేస్తున్నారు.
ఇక చివర్లో ఒక పోలీస్ ఆఫీసర్ నిందితులను చితకబాది ఆ తర్వాత అలసిపోయి హ్యాపీ బర్త్డే బ్రదర్ అంటూ నానికి బర్త్ డే విషెస్ చెప్పడం ఇప్పుడు గ్లింప్ కే హైలెట్గా నిలిచిందని చెప్పవచ్చు. మొత్తానికైతే ఈ గ్లింప్ అభిమానులనే కాదు సినీ ప్రేక్షకులను కూడా బాగా ఆకట్టుకుంటుంది .. ఇక నాని బర్త్ డే సందర్భంగా విడుదలైన ఈ గ్లింప్ విపరీతమైన లైక్స్ ని కూడా సొంతం చేసుకుంటూ అలాగే సినిమాపై అంచనాలను పెంచేస్తోందని అభిమానులు కామెంట్లు చేస్తున్నారు.
Checkout Filmify for the latest Movie news in Telugu, New Movie Reviews & Ratings, and all the Entertainment News. Also provides new movie release dates & updates, Telugu cinema gossip, and other film industries Movies updates, etc