టాలీవుడ్ అగ్ర కథానాయకుడు మెగాస్టార్ చిరంజీవి వరుస సినిమాలతో బిజీగా ఉన్న సంగతి తెలిసిందే. ఇప్పటికే మాస్ డైరెక్టర్ కొరటాల శివ దర్శకత్వంలో ఆచార్య సినిమా పూర్తి చేశాడు. ప్రస్తుతం గాడ్ ఫాదర్, భోళా శంకర్, వాల్తేరు వీరయ్య సినిమాలు చేస్తున్నాడు. ఈ మూడు చిత్రాలు షూటింగ్స్ శరవేగంగా జరుపుకుంటున్నాయి. తమిళంలో సూపర్ హిట్ అయినా వేదాళం చిత్రానికి తెలుగు రీమేక్ గా భోళాశంకర్ సినిమాను తెరకెక్కిస్తున్నారు.
చెల్లెలి సెంటిమెంట్ నేపథ్యంలో ఈ స్టోరీ రూపొందుతుంది. కాగా చిరుకు చెల్లెలి పాత్రలో టాప్ హీరోయిన్ కీర్తి సురేష్ నటిస్తోంది. క్రియేటివ్ కమర్షియల్స్, ఏకే ఎంటర్టైన్మెంట్ బ్యానర్స్ పై రామబ్రహ్మం సుంకర సంయుక్తంగా నిర్మిస్తున్నారు. ఇప్పటికే ఈ సినిమా నుంచి విడుదలైన పోస్టర్స్ ఆకట్టుకున్నాయి. ఇక చిరంజీవి పుట్టినరోజు సందర్భంగా ఈ సినిమా నుంచి బిగ్ అప్డేట్ వచ్చింది.
దర్శకుడు మేహర్ రమేష్ తో చేస్తున్న సాలిడ్ ఎంటర్టైనర్ “భోళా శంకర్” నుంచి ఓ పోస్టర్ తో పాటు మరో ఊహించని అప్డేట్ ను అందించారు మేకర్స్. ఈ చిత్రాన్ని వచ్చే ఏడాది ఏప్రిల్ 14న ప్రపంచ వ్యాప్తంగా రిలీజ్ చేస్తున్నట్టు అనౌన్స్ చేసేశారు. ఇక ఈ పోస్టర్ లో అయితే మెగాస్టార్ మంచి స్వాగ్ అండ్ స్టైలిష్ గా సూపర్ యంగ్ లుక్స్ లో కనిపిస్తున్నారు. ఈ పోస్టర్ తో మెగాస్టార్ బర్త్ డే సందర్భంగా మెగా ఫ్యాన్స్ కు మెగా ట్రీట్ ఇచ్చారు.