మాటల మాంత్రికుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్ హీరోగా, పూజా హెగ్డే హీరోయిన్ గా తెరకెక్కిన చిత్రం “అల వైకుంఠపురములో”. హారిక అండ్ హాసిని క్రియేషన్స్, గీతా ఆర్ట్స్ బ్యానర్స్ పై అల్లు అరవింద్, ఎస్ రాధాకృష్ణ ఈ చిత్రాన్ని సంయుక్తంగా నిర్మించారు. ఈ చిత్రానికి మ్యూజికల్ సెన్సేషన్ థమన్ సంగీతం అందించారు.
ఈ చిత్రంలోని అన్ని పాటలు కూడా ప్రేక్షకులను, అభిమానులను విశేషంగా ఆకట్టుకున్నాయి. ఇందులో సామజవరగమన, రాములో రాములా, పాటలు ఇప్పటికే రికార్డులను సృష్టించాయి.ముఖ్యంగా ఈ చిత్రంలోని “బుట్టబొమ్మ” పాటకి ఇప్పటికీ అదిరిపోయే రెస్పాన్స్ వస్తూనే ఉంది. ఈ సాంగ్ లో అల్లు అర్జున్, పూజా హెగ్డే స్టైలిష్ లుక్ లో కనిపించారు.
ఈ సాంగ్ లో బన్నీ వేసే స్టెప్స్ అభిమానులను అమితంగా ఆకట్టుకుంటున్నాయి. జానీ మాస్టర్ కంపోజ్ చేసిన ఈ సాంగ్ కి గీత రచయిత రామ జోగయ్య శాస్త్రి సాహిత్యాన్ని అందించగా.. అర్మాన్ మాలిక్ ఆలపించారు. ఈ సాంగ్ కి ఇప్పటికీ రెస్పాన్స్ ఏ రేంజ్ లో ఉందంటే.. టాలీవుడ్ నుంచి 800 మిలియన్ వ్యూస్ వచ్చిన సాంగ్ గా ఈ బుట్ట బొమ్మ నిలిచింది. అంతేకాక 5 మిలియన్స్ కి పైగా లైక్స్ కూడా వచ్చాయి. ఈ పాట విడుదలైనప్పటినుండి ఆదరణ పెరుగుతూనే ఉంది.